حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الخميس ,14 ديسمبر, 2017 م يوجد الآن عدد (4867) زائر
طباعة
  • التعليقات: 23
  • المشاهدات: 35418

زوجي يحب امه اكثر مني !

زوجي يحب امه اكثر مني !

زوجي يحب امه اكثر مني !

07-09-2017 09:46 AM

تعديل حجم الخط:

سرايا -

سرايا - برأيكم شو الحل مع الزوج الي بحب امو اكتر منك لو شو ما عملتي بضلو يسمع فيكي حكي انو امي فوق وبعدين بيجو الناس يعني انا بعتبرني ناس مو من اهلو وبضل ينكد علي ازا ما زرت اهلو او ما اشتغلت عندهم مع اني بروح وما بقصر بس مرات بكون تعبانه وما بقدر هاد الشي يعني مو مستعد يعدل بين محبتي ومحبة امه ودايما مقضيها عندهم وبجبرني اروح معو عندهم وهيه امو بضلها تسمع حكي وتقارني بفلانه وعلنتانه وانا اكتر شي بقهرني انو اتقارن بحد وتزت حكي وانا بروح متنكده وبطلت احب اروح لعندهم عشان تسميع الحكي وانا شو ما قدمت بتنكر هاد الشي ومو مستعده تمدح فيه ؟؟؟ وازا حكيت لجوزي ما بدي اروح بنكد علي ومره راح ما يضربني اعطوني حلول ؟






طباعة
  • التعليقات: 23
  • المشاهدات: 35418
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
07-09-2017 09:46 AM

سرايا

2 -
اضربيه
07-09-2017 09:54 AM

SAM

التبليغ عن إساءة
3 -
صباح الخير جميعا

اختي الرسول صلى الله علبه وسلم قال امك ثم امك ثم امك بدك تتحملي لانها هاي امه وما بقدر يزعلها معلش بعدين انت ام ولا بد انك تصيري حمايه. بعينك الله
07-09-2017 09:58 AM

عبير الورد

التبليغ عن إساءة
4 -
حبيبتي لازم تقدري تسيطري ع هالشي تعالي ع حالك وحسسيهم انك معها ودايما بتوقفي جنبها لحالها بتصير تحن عليكي متل بنتها وبما انو حنت عليكي اكيد زوجك لحاله رح يعرف ويسحب النكد الي بتحكي عنه ولا تحاولي تعترضي ع روحتك عند اهله لان اكيد هالشي بدايقو .. صيري لحالك احكيلو يلا نروح نغير جو عند اهلك .... انشالله امورك بتتحسن اعطي احسن م عندك...
07-09-2017 10:02 AM

عاشقة نفسها

التبليغ عن إساءة
5 -
صباح الخير

الام تضل ام شو ماعملت مستحيل يجي حدا لمكانتها اصبري عليه او احكي ل اهلك المنيح انك مش ساكنه عندها

انا ساكنه وقرفانه حالي

احمدي ربك واسكتي
07-09-2017 10:51 AM

ام ادم

التبليغ عن إساءة
6 -
الحل السحري عندي..
اول بحب احكيلك الزلمه الي ما في خير لامه ما في خير لمرته لهيك لازم تنبسطي لانه ما ضيع سنين تعب امه عليه ونسيها وما رح ينسى تعبك انتي كمان.
ثاني اشي لو شطيتي ونطيتي ما رح يحبك اكثر من امه خلص هيك هو لهيك انتي بذكائك لازم تعرفي تتصرفي يعني هو بحب يقدم لامه انا بروح وبقدملها وبساعدها بالشغل وين المشكلة يعني لما يشوفك انتي الي بتبادري بمساعدة امه رح ينبسط منك كثير ويزيد حبه الك لانه هاظ مفتاحه رضى امه .. فأي اشي برضي امه بعمله عشان اكسب حبه هو...
وبعدين لما يصير يشوفك انتي بتبادري بمعروفك لامه ونفترض يوم كنتي تعبانه وما قدرتي تشتغلي بصير هو يحطلك اعذار وقتها ...
عفكره انا بحكيلك عن تجربة انا موظفه وبداوم لل 5 وكنت بس اروح اشتغل كل بيتي ويوم الخميس اروح اشتغل بيتي ونروح لبيت حماي الخميس المسا واضل للسبت للساعة 1 الصبح ويشهد الله قديش كنت اتعب ومثل ما حكيتي اضل اتهاوش معه انه انا بني ادمه وحقي ارتاح هلا اتغير الوضع كثير بفضل الله لانه فعلا صرت اعمل الاشياء الي بحبها لامه فهو صار يعمل لاهلي الاشياء الى انا بحبها وطبعا شو ما حكت عمتي من رمي حكي اجاوبها بس بتموووني يا عمه كبرت بعينه وهلا بحبني وبعمل اي اشي بطلبه والحمدلله ...
مثل ما حكيتلك خلي امه المفتاح
07-09-2017 11:11 AM

لين

التبليغ عن إساءة
7 -
وبكملك عكلامي اني متأكده انك انتي كمان بتحبي امك اكثر منه ....
اعملي بنصيحتي وما رح تندمي ان شاء الله ...
وكمان بحب احكيلك وانا زوجي بحب امه اكثر مني وببيعني وببيع اولاده عشان امه لكن لا ضير بالعكس كبر بعيني بزيادة
07-09-2017 11:17 AM

لين

التبليغ عن إساءة
8 -
روحي واجلسي وانتي مطنشة وخليهم يحكوا ليشبعوا وكوني على الثقة الزبل والتطنيش من اقوى الحلول لجميع مشاكلنا
07-09-2017 11:49 AM

دلع

التبليغ عن إساءة
9 -
والله عاد هذي امو الي ربتو وتعبت عليه سنين العمر وانا بصراحة بايدو تاييد تام وطالما انتي ماخذة حقوقك ومش مقصر معك شو المشكلة يعني نصيحتي الك اذا بدك توجعي راسك بهالموضوع كثير راح تتغلبي خليه مثل مابدو نصيحة نصيحة لاتحكي ولاتفكري بالموضوع مطلقا لانو المشاكل راح تظل معك كل العمر اذا استفزيتيه بهالناحية خصوصا
07-09-2017 12:37 PM

نصيحة مجرب

التبليغ عن إساءة
10 -
انت بتعارضي رب العباد, حديث لرسول الله من اولى الناس بصحبتي قال امك و قال للمراة قال زوجها

حاحا بتغاري من امة, هاي اخرتها. لعلمك الرجل عند الام يقف عاجزا و لا يكبر في نظرها. الله يخليلك اولادك ويصيروا يحبوك اكثر من نسوانهم
07-09-2017 01:29 PM

نصيحة جيدة

التبليغ عن إساءة
11 -
والله هذي امو ومش عاجباكي لعمرو لا عجبك شو بدك يبيع امو يعني عشان حضرة جنابك ؟
07-09-2017 02:44 PM

الجلف

التبليغ عن إساءة
12 -
مش عاجبك بطلي البحر هذا احسن حل لمشكلتك
07-09-2017 02:51 PM

=======

التبليغ عن إساءة
13 -
هههههه ضحكت من قلبي على كلمة شطيتي ونطيتي

يسعد مسائك لين
07-09-2017 03:22 PM

شطورة

التبليغ عن إساءة
14 -
وين المشكلة بالموضوع , حب الوالدة غير عن حب الحبيبة . امه اللي حملته تسع شهور وعانت اوجاع الولادة ورضعت ونضفت وسهرت الليالي وحلمها ان يصبح ابنها رجلا .. سنين طويلة من المعاناة وفجأة وبدون مقدمات تظهر ست الحسن والجمال على الساحة , تريد ان تلغي تاريخ يمتد لربع قرن من الزمن بين الام وابنها , تذكري ان الزمن دوار وما تنكريه على الام اليوم ستطالبين به مستقبلا , وان حبه لامه لا يتعارض او ينافس حبه لك .
07-09-2017 03:26 PM

المتكتك

التبليغ عن إساءة
15 -
هههههههههه ههههههههه
07-09-2017 07:49 PM

ابن الماما

التبليغ عن إساءة
16 -
عندما سأل رسولنا الكريم عن اولى الناس بحسن الرعايه فقال امك ثم امك ثم امك ثم ابيك،وانت يا ست ابوها تريدين حرمانه من حنان وعطف ورعاية وحب امه،امه التي حملت وتعبت وخلفت وربت وسهرت الليالي حتى تراه شابا ومن ثم تاتي حضرتك لكي تحرميها منه،اتق الله يا بنت وحببي امه بك لكي ياتي يوم وتحبك كنتك في المستقبل.

والله لو امه تولع اصابع يديها العشره مع اصابع رجليها لا يمكن تحبيها،سبحان الله كيد النسوان غلب الشيطان.

تاكدي تماما ان الذي ليس فيه خير لاهله لن يكون له خير في غيره
07-09-2017 11:02 PM

MبرشلونيO

التبليغ عن إساءة
17 -
وبالوالدين احسانا
08-09-2017 01:28 AM

عماد

التبليغ عن إساءة
18 -
إذا المرأة بتخدم أم زوجها بتكون قمة و كويسة كتير ولازم زوجها و أمه يحطوها فوق روسهم مش يقعدوا يتدللوا فوق مهي خادميتها .. ومش يعني ذلك إذا انها الكنة ما ساعدت حماتها يعني انها هيك صارت حقيرة لأ ابدا بس انها اذا ساعدتها هيك بتكون كويسة
08-09-2017 01:51 PM

الى كل المعلقين 3

التبليغ عن إساءة
19 -
أنا هذا أكتر شي بكرهه بالمجتمعات القروية هي الظلم الشديد للبنت و التدليل الشديد للولد بدون أدنى عدل .. ومن ضمن الأمور يلي بكرهها فيهم إنهم شديدي المقارنة بين بعضهم يعني كل واحد بربي ابنه بصير يربيه متل جاره حتى ولو انه غلط هالترباية بس كله بقلد بعضه بل حتى بعملوا عادات و تقاليد بدون أساس صحيح يمشوا عليه و بظلظا يقارنوا ببعض.
08-09-2017 01:56 PM

الى كل المعلقين 4

التبليغ عن إساءة
20 -
الله يمسيك بأنوار النبي
09-09-2017 12:46 AM

لين الى شطورة

التبليغ عن إساءة
21 -
الى صاحب التعليق رقم 18

ما حد طلب منك تحب او تكره طريقة تربية ابنائنا في القرى

اهتم بحالك وربي اولادك مثل ما بدك
09-09-2017 09:25 AM

مراقب

التبليغ عن إساءة
22 -
تعليقرفم 18 والله كلامه ثحيح بالحرف الواحد .. فعلا كل تصرفات اهل القرى عبارة عن تادات وتقاليد بغض النظر هالعادات صحيحة او غلط بس كلهم بقلدوا بعضهم و فعلا متل ما بقول انه البنات عندهم هن يلي ماكلات هوى و مضطهدات ومسيبين الولاد وين ما يروحوا يروحوا وشو ما يعملوا يعملوا وحتى ولو ضحكوا على بنات الناس عندهم هالشب تادي
09-09-2017 11:22 AM

الى مراقب

التبليغ عن إساءة
23 -
كيف عرفت انه ثحيح

عثت هناك

ههههههه
09-09-2017 03:10 PM

مراقب

التبليغ عن إساءة
24 -
عيب على بنات الأصول تحكي هاد الحكي الأم قدمت عمرها وشاب راسها عشان جوزك يصير رجل وانتي جايه ع البارد المستريح بدك توخذي غلاها ؟؟؟؟؟؟؟؟؟ اكيد انتي من مواليد التسعينات لأني بتاريخ حياتي ما لقيت أغرب وأجراء من هالجيل
11-09-2017 02:31 PM

احمد دوجان

التبليغ عن إساءة
25 -
يحبك اكثر من امه ليش شو هالهبل
28-09-2017 01:15 PM

بطاينة

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم