حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الجمعة ,20 أكتوبر, 2017 م يوجد الآن عدد (4873) زائر
طباعة
  • التعليقات: 35
  • المشاهدات: 31315

اصبحت أحب طبيبي !!

اصبحت أحب طبيبي !!

اصبحت أحب طبيبي !!

31-08-2017 10:35 AM

تعديل حجم الخط:

سرايا -

سرايا - انا طالبة جامعية عمري ٢٠ سنة ، بدّي احكي عن شغله خانقتني طول الوقت ممكن تبين سخيفه بالنسبه الكم ، بس عنجد تعبت ، انا من فترة طويلة شوي بلشت أتعالج عند دكتور ، وكنت كل شهر يكون عندي موعد ، المشكله هلا والاشي اللي بضحك بعد ما كنت رافضه أتعالج عند زلمه ، فجاة صرت احبوا وأموت فيه.، بس هو بكتير اكبر مني تقريبا ٩ واكتر باكمن شهر شوي ، كتير فضفضت لأختي عنو بس دايما بتحكيلي انو هو شو بدو ببنت صغيره قدي ، مع اني ابدا ما بشوف العمر مشكله خاصه اني بعرف ناس الفرق بينها اكتر لسا ، اول ما شفتوا وتعاملت معو ، حسّيت اني لقيت الحدا اللي بحبوا والحداً اللي بدّي اياه بالحلال ، مش زي اغلب البنات لا بدّي اروح واجي معاه من من ورا اهلي ، بس بدّي اياه يفكر فيي بشكل جدي ، بس مش حاسستوا هيك أحيانا بحكي شكلو مرتبط مع انو دايما بحسوا مشغول ومش فاضي ، عنجد تعبت ليش بحب حدا مش الي مع اني دايما بدعي ربنا يجعلوا من نصيبي بالحلال ان كانلي فيه خير ، هو كتير لطيف. و عندو نظرة حنية رهيبه بعرف لانو دكتور ، بس البنت بدور ع هاي الأشياء ، وخاصه اني ما بحب ارتبط بحدا من عمري وبشوف شباب الجامعه بعدهم براهقوا ومش واعيين ، وبتمنى لو أوخد حدا يكون فرق بالعمر بينا مش صغير كتير ،ويكون مجال دراستوً قريب عليي علما اني بدرس صيدله ، بس عبس بكون استنى كل شهر بالدقيقة ، وما بحس انو فارقه معو علاقتو رسميه ومش قاعده بحس انو تعود عليي ، والله حبيتوا ومن كل قلبي نفسي يكون هالبني الأدم لحالي ، بس شو عالدنيا غريبه ، متمني لو اني ما شفتوا ولا عرفتوا بدل ما انا بفكر فيه ليل نهار من هبلي و أحلامي الورديه ، وهو تلاقي كل مخو بوحده تانيه
أسفه عالاطاله ، بس حبيت افرغ الهبل اللي انا فيه بدّي حدا يوعيني لاني واقعه ببير مفكر الدنيا كيف ما بدّي بتمشي ، او اني بقدر أحببوا فيي بسً مش قادره






طباعة
  • التعليقات: 35
  • المشاهدات: 31315
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
31-08-2017 10:35 AM

سرايا

2 -
ههههههههههه هاد هبل
31-08-2017 10:56 AM

هديل

التبليغ عن إساءة
3 -
اختي انت لسة صغيرة ويمكن انت متهيا لك انك بتحبيه عادي بهالعمر بتصيري اي حد تشوفيه تحبيه او تعجبي فيه .. وحتى لو بتحبيه عنجد انت لساتك صغيرة وبتدرسي.. رح تحبي وتنحبي
31-08-2017 12:02 PM

عبير الورد

التبليغ عن إساءة
4 -
انا بنصحك تصحي من هالحلم لانك بعدك صغيره وبنفس الوقت الي بتحسي فيه شي طبيعي لبنت بعمرك
31-08-2017 12:12 PM

محمد

التبليغ عن إساءة
5 -
انا بنصحك تصحي من هالحلم لانك بعدك صغيره وبنفس الوقت الي بتحسي فيه شي طبيعي لبنت بعمرك
31-08-2017 12:13 PM

محمد احمد

التبليغ عن إساءة
6 -
اعلن انسحابي من سرايا سواء بكتابه او بتعليق والسبب لانشغالي في كتابه مسلسل جديد واقول االي بكرهني افرح كثير لانك لن تراني هون مجدد
31-08-2017 12:21 PM

مها احمد

التبليغ عن إساءة
7 -
اتوقع هذا عشان الوحدة اللي بتحسي فيها و اجا الدكتور ابدى اهتمامه فيكي . اغتقد انو انتي ناقصك مشاعر ابوة مش زوج.
نصيحة اهتمي بدراستك و انسي الموضوع و بعد اكم سنة رح تضحكي ع حالك
31-08-2017 01:31 PM

محمد

التبليغ عن إساءة
8 -
درب تودي وما تجيب
31-08-2017 11:33 PM

الف قلعة

التبليغ عن إساءة
9 -
مين مزعلك يا مها شو هذا اللي سمعت، بدك تغيبي عن موقع ، انتي منوره الموقع ، لو تتركي الموقع انا بتركه ،انتي كاتبه ومؤلفه مبدعه وتملكين موهبه كبيره لا تتحرمنا من كتابتك ، بالله عليكي تترجعي وتعلقي والله اني بحب كتابتك ومشاكلك ، وكل عام. انتي بخير بمناسبه العيد عيد مبارك عليكي وعلى المعلقين
01-09-2017 12:25 AM

اميره

التبليغ عن إساءة
10 -
كل عام والجميع بألف خير بمناسبة حلول عيد الأضحى المبارك اعاده الله علينا وعلى الامتين العربيه والاسلاميه بألف خير أن شاء الله .
01-09-2017 01:51 AM

امونه

التبليغ عن إساءة
11 -
امونة كل عام وانتي بألف خير

وتهنئة خاصة لكل من

محمدكو

السوسنة

سلفادور

كل عام وانتم بالف خير
01-09-2017 11:01 AM

شطورة

التبليغ عن إساءة
12 -
وانتي بألف خير يا رب وينعاد عليكي وع الاهل بالخير والصحه والعافيه.
01-09-2017 12:06 PM

امونه الى شطوره

التبليغ عن إساءة
13 -
تهنىئة للجميع



كل عااام وانتم بخير



تهنئة خاصة للاصدقاء

شطورة

زهرة النرجس

مها

اميرة

محمدكوا

سلفادور
01-09-2017 12:09 PM

السوسنة السوداء

التبليغ عن إساءة
14 -
كلا عام والجميع بألف خيير يارب





سوسنه الفواحة كل عام وانتي بألف خييير ينعاد عليكي بصحة وعافيه ان شالله
01-09-2017 01:35 PM

زهرة النرجس

التبليغ عن إساءة
15 -
زهرة النرجس



كل عااام وانت بخير
01-09-2017 02:08 PM

السوسنة زهرة

التبليغ عن إساءة
16 -
مها احمد ...

هاي للمره 15 بعد ال 100 بتنسحبي من الموقع بس بتمنى هالمره ما ترجعي بكلامك وكنتي بالماضي لما تنسحبي من الموقع هاد والمواقع التانيه تفوتي باسماء وهميه واحيانا كنتي تكتبي وين مها الموقع بدونها ما بسوى وبتمنى انه ترجع وترجعي تقولي بالحرف الواحد (شو اعمل بقلبي الطيب) وترجعي تكتبي...

بس بحب احكيلك الدرب إلي يصد ما يرد
01-09-2017 02:27 PM

الى مها احمد

التبليغ عن إساءة
17 -
لا يا سوسنه مو صفحة اعترافات .

اقسم بالله صفحه اكثر من رائعه وبالفعل إلي مثلك تفاعلها مع المشكله بكون إله تاثيره وإذا بتحبي باي طريقه بعطيك اسم الصفحه بس بشرط مها ما تعرفها لانها رايحه تطينها وتنيلها بستين نيله
01-09-2017 02:31 PM

............ الى السوسنه

التبليغ عن إساءة
18 -
تحياتي لجميع الأخوة المعلقين و المعلقات والمؤلفين والمؤلفات وكل عام وانتم بخير . . .
02-09-2017 12:47 AM

سلفادور . . .

التبليغ عن إساءة
19 -
أنا فتاه عمري 23سنه حبيت شخص وهو حبني وربي شاهد علي إني ما بعمره لمسني أو عمره حكى معي اشي غلط الشب رايدني بالحلال ولكن المشكله إنه هو من دين وأنا من دين مع انه ما في فرق بين الأديان كيف بدي اعرفه على أهلي وأهلي ما بقتنعوا بعلاقات الحب وخاصه انه غير ديني وحكالي كل واحد يبقى على دينه وهو بامن بالله تعالى وبرسله وهو مستعد يعمل المستحيل عشاني شو الحل
02-09-2017 10:08 AM

ساعدوني

التبليغ عن إساءة
20 -
[١٠:٣٢ ص ٢‏/٩‏/٢٠١٧] مها احمد: مها احمد الى مقهوره مني وعارفه حالها



انتي مقهوره مني وانا ما بدي ارد عليكي وضرب ما ترد.ما سد انتي وخليكي بقهرك ، وانا مش رايحه ارد عليكي وعلاج سفيه بالسفه

[١٠:٤٤ ص ٢‏/٩‏/٢٠١٧] مها احمد: مها احمد الى عارفه حالها



انا كنت ناويه اترك سرايا وكنت قد كلمتي ، بس قهر فيكي لن اغادر سرايا
02-09-2017 10:54 AM

الي المقهورة

التبليغ عن إساءة
21 -




بالنسبه لمشكلتك

انتي حاولي خذي رائهم من بعيد ، يعني وقولي لهم لي صديقه بتحب واحد من غير دين شو رايكوا وهي حابه تاخذيه شوفي شو ردت فعلهم اذا بعارضوا بشده او قابلين للنقاش انتي على هذا اساس تتصرفي اذا شفتيهم قابلين للنقاش ناقشهم وحاولي تعطي رايك بس انتبهي احكي معهم باسلوب كويس وبالاقناع واذا شفتيهم تقبلوا للموضوع بعد.مده تفتحي معهم الموضوع وان شاء الله تاخذي صاحبك
02-09-2017 10:56 AM

مها احمد الى تعليق ١٨

التبليغ عن إساءة
22 -
دسؤال يطرح نفسه اعطيني بس لو نص سبب عشان الناس تنقهر منك ....خزاة العين عنك
02-09-2017 03:05 PM

الى مها احمد

التبليغ عن إساءة
23 -
الإسلام حرّم زواج المسلمة بغير المسلم !!!!!!!!!!!!!!!!!!!!!
02-09-2017 03:19 PM

إلى تعليق 18 ساعدوني و إلى مها أحمد تعليق 20

التبليغ عن إساءة
24 -
لا تغير بالدين
02-09-2017 08:31 PM

ساعدوني

التبليغ عن إساءة
25 -
اعتقد انك مسيحية

والله يا اختي ازا اهلك متقبلين هاد الشي كان بة مش متقبلين انسي الموضوع لانو رح يصير مشاكل كتير انك تاخدي من غير دينك

02-09-2017 10:04 PM

الى تعليق 18

التبليغ عن إساءة
26 -
الى تعليق رقم ١٨ من كلامك شكل الشب مسيحي وانت مسلمه ولا يجوز لمسلمه ان تتزوج من غير دينها نهائيا الا اذا تحول للاسلام،اتقي الله يا بنت الناس في نفسك واهلك
03-09-2017 06:29 AM

مغترب

التبليغ عن إساءة
27 -
يا اخي الشاب مسلم والبنت غير. مسلمه علشان هيك قمت بحل مشكله، شكرا لك يا اخي انا دارسه شريعه واعرف دين جيدا
03-09-2017 12:25 PM

مها احمد

التبليغ عن إساءة
28 -
نعم أنا مسيحيه وهو مسلم ولكن مستحييييييييييييل اغير ديني يبقى كل واحد يبقى على دينه
03-09-2017 03:42 PM

ساعدوني

التبليغ عن إساءة
29 -
ليش من البداية ابوك واخوانك يسمحولك تتعالجي عند زلمة ؟ و الدكتور غلط عليه انه يعالج النساء ؟ وين الدين يلي عليكم با عالم ؟ وين الغيرة عالمحارم ؟ بس شاطرين تغاروا بطرق تبليدية وتافهة ؟بل حتى معقدة ؟!!
03-09-2017 07:24 PM

ام يارا

التبليغ عن إساءة
30 -
طيب منت من البداية قلتي ما بدك تروحي على زلمة ليش تروحي على زلمة ؟ ليش هو من قليل الشرع بحرم علينا الاختلاط بين الرجال والنساء ؟ من كثر ما الناي عندهم مشاعر و بسرعة بتمعشقوا فهمتي ؟ انت مبسوطة طبعا انه بلمسك صح ؟ روحي احسنلك عند دكتورة لاتوقعي بالهاوية.
03-09-2017 08:07 PM

اصحي من الهبل

التبليغ عن إساءة
31 -
أنا بنت نادرا ما أفوت هالموقع لكن يلي بعرفه انك ما بتعملي اعتبار لصاحب المشكلة عن طريق عمل مساحة الحلول دردشة مع الناس بدون سبب داعي حتى يعني بتلاقي كلامك كله خارج عن موضوت المشكلة أصلا وهذا مش حلو بحق صاحب المشكلة.
04-09-2017 07:32 AM

الى مها احمد

التبليغ عن إساءة
32 -
يعني أنا مرة حطيت مشكلة على سرايا و لما اني أجيت أقرأ الحلول انبسطت لما شفت عدد الحلول كتير حكيت بحالي انا إن شاء الله رح هيك أقدر اتخذ قرار في حل المشكلة لكني انصدمت لما شفت أنه كل التعليقات منك عبارة تن دردشاتك مع الناس .
04-09-2017 07:35 AM

الى مها احمد2

التبليغ عن إساءة
33 -
يعني خليتيني البس النظارات وأنا ببحث عن معلق على مشكلتي الخاصة لكن انت دايما بتعملي هالصفحة شات ليش ؟ يا ستي هاي انت كيف عالفيس بوك معناها ؟ و الواتس و كذا ؟!!! شو هذا انت ما عندك شي تعمليه بحياتك يعني ؟
04-09-2017 07:38 AM

الى مها احمد 3

التبليغ عن إساءة
34 -
لا بل حتى بتحاولي تتحركشي بالناس حركشة مع انه مبين انه كل واحد بحاله بس عادي عندك سواء شب أو بنت المهم انك تطقي حنك على حساب صاحب المشكلة.
04-09-2017 07:42 AM

الى مها احمد 4

التبليغ عن إساءة
35 -
يعني بمعنى آخر خليتيني أكره شي إسمه سرايا من كثر ما بتحاولي تطقي حنك ... خلص يا مها بصراحة عيب يلي بتعمليه لاني علقت مرة عليك بتعليق مهذب وطلبت منك انك تبطلي هالدردشات لكن لكن عالفاضي بصراحة .. مش ضروري لو كنتي فاضية اشغال هيك تعملي ؟
04-09-2017 07:47 AM

الى مها احمد 5

التبليغ عن إساءة
36 -
أنا بتمنى انك ما تفهميني غلط ولا تفكري اني معلق بعرفك من زمان وحاب احبطك لا والله بقسملك بالله اني صادقة معك بكل كلمة يا مها .. لإني بصرلحة حتى أهلي ومعارفي جابوا هالسيرة عن المعلقين على مشكلة بدل ما يعلقوا على مشكلة الشخص بروحوا يعملوها شات لبين ما تخلي الواحد خاوة يكره الدخول لهالموقع .
04-09-2017 07:51 AM

الى مها احمد 6

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم