حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الخميس ,14 ديسمبر, 2017 م يوجد الآن عدد (4864) زائر
طباعة
  • التعليقات: 11
  • المشاهدات: 24773

زوجي فاجأني بعد الزواج

زوجي فاجأني بعد الزواج

زوجي فاجأني بعد الزواج

30-08-2017 09:37 AM

تعديل حجم الخط:

سرايا -

سرايا - انا حابه اخد ارائكم وحابه تنصحوني نصيحه لوجه الله
انا عروس جديده
كان زوجي واعدني يحياه مستقره منفصلة عن أهله بس تزوجت سكني عند أمه بنفس البيت ومع هيك أرضيت وما حكيت اشي لحد ما الله يفرجها
المشاكل بلشت تنهال علي من اول يوم
أمه بتعاملني زي الغريبه مع اني بعاملها زي امي مع هيك بتغار وبتزعل ازا طلعني وشممني الهوى أو ازا اشترالي شي بتعمل قصه ومع هيك كان كل مايشتري الي اشي يشتريلها
وما كنت اعترض نهائيا
واعترفلي اول زواجنا انه كان يسكر ويلعب قمار ويتعاطى
ومع هيك سترت عليه وحكيت انه ما الي علاقه بالماضي
بس والله العظيم ما انا عايشه عيشه ترضي ربنا
ولا اعتراض على حكم الله اكتشفت اني حامل بالشهر الاول و بحمدالله على هالنعمة الي يتمناها كتير ناس بس زوجي إنسان آسفة على هالتعبير بس هوة ابن امة بطريقة مستفزة و غير انو بخيل علي كتير والله و انا بنت الحمدلله شبعانة ببيت اهلي
المشاكل زادت و حردت عند اهلي اكتر من مرة و هلا انا حردانة و حكالي ارجعي وقت ما بدك بس انا حكيتله ما برجع الا على بيت مستقل علما انه بشتغل و بقدر يستأجرلي بيت بس هوة رافض و حكى ازا بطلع من البيت باخد امي معي مع العلم هادا الحكي ما كنّا متفقين عليه بالخطبة بس كلله تغير
و انا ما بدي امدح حالي بس والله انا بنت عالم و ناس و متعلمة و الحمدلله على قدر من الجمال و بعرف حدودي كتير منيح
ياريت إليّ بقدر يساعدني بنصيحة ما يبخل علي لأني جد ضايعة و مو عارفة شو اعمل






طباعة
  • التعليقات: 11
  • المشاهدات: 24773
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
30-08-2017 09:37 AM

سرايا

2 -
نصيحتي اختي ما تقبلي الا ببيت مستقل بدون امه عجبه هيو عجبه ما عجبه هو حر ما حدا بتحمل حدا هالايام
30-08-2017 10:29 AM

يوسف

التبليغ عن إساءة
3 -
أمشي معها ع قد عقلها لأنه جوزك ابن امه
30-08-2017 11:21 AM

يا رب فرجكلا

التبليغ عن إساءة
4 -
مها احمد قرفتينا حلي عنا يااا

كل ماتكتبي مشكله اول ما نحكي انا على قدر من الجمال يعني المشاكل مابتصير الا مع الجميلات ....
30-08-2017 04:35 PM

التبليغ عن إساءة
5 -
بدك يتخلى عن امه مشان تنبسطي الام ما بتتعوض وانتي بكرة بتزوج غيرك وببدلك افهمتي الام شووو
30-08-2017 04:37 PM

فادي

التبليغ عن إساءة
6 -
زوجك نذل وانت غلطانة لما تزوجت هالاشكال المعفنة ...........
30-08-2017 09:03 PM

ام خالد الديراوي

التبليغ عن إساءة
7 -
ياستي العزيزة كل شي بالدنيا له حدود والشرع الحكيم اعطاك الحق الكامل بان تسكني في بيت مستقل استقلال تام فأنت تمارسي حقك الشرعي لا اكثر ولا اقل
30-08-2017 09:24 PM

مراقب من بعيد

التبليغ عن إساءة
8 -
اقسم بالله لما اسمع هالحكي بتلمس من الناس يعني كان متفق عإشي و لما كتب كتابه و تزوجك غير من كلامه

مش فاهم كيف الاهل بتتهاون بهيك اشياء

الاصل يمشي اللي تفقته عليه

والله الواحد صار يخاف ع بناته لما يسمع نصير بنات الناس و شو بيصير فيهم من هالأشكال هاي

الله يفرجها و بصراحه حل ما عندي لانه البخيل مصيره و الكذاب مصيبه و ما في حل لهيك اشكال واللي ابن امه و مش زلمه كمان مصيبه ... ما عنا أمهات... الله يرحمها أمي ... الام مدرسة الرجال او الانذال
31-08-2017 12:08 AM

التبليغ عن إساءة
9 -
هذا يللي بيصير يوم توافقي على حدا ما بتعرفي اصله ولا فصله ولا اهله شو هم.
الوحدة يوم يتفدملها شخص بتبعت ناس يسألو عنه, بيتعاطى مخدرات وبيسكر وانتو زي الطرشان بالزفه ؟ شو هالمسخرة هاي, خليكو بتستاهلو
31-08-2017 12:51 PM

حموتة

التبليغ عن إساءة
10 -
والله انا كل مرة بتزيد قناعتي أكتر بإني لازم لما يتقدملي عريس مناسب أخليه يحلف عالمصحف إنه صادق بكل وعد بوعدنياه . والله العظيم من كثر ما في طلاق و وعود كابة صرت أخاف من شي إسمه زواج .
03-09-2017 09:12 PM

ايات

التبليغ عن إساءة
11 -
هههههههه قسما بالله انه كلامك صحيح 100% ليش ما سألوا عليه بالبداية ؟خاصة بموضوع إنه كان بسكر .سبحان الله الرسول ص حكى من جاءكم من ترضون دينه و خلقه فزوجوه بس الظاهر انكم تسرعتوا .
03-09-2017 09:23 PM

الى حموته

التبليغ عن إساءة
12 -
أكبر غلطة بغلطوها الاباء بحق بناتهم انهم يزوجوها لواحد ما عنده بيت مستقل . خاصة انها الحماة بتصير تتدخل بكلشي على أساس انها بدها مصلحة ابنها عاد هي بتكون بدها تعيش كنتها متل ما كانت هي عايشة بزماناتها مع بيت حماها و زمان كان في ظلم كثيييير للكنة .أما ما بطيبلها تعيش بنتها عند بيت حماه الا إذا كانوا من النوع الظالم جدآ للمرأة بشكل عام .
03-09-2017 10:02 PM

سهى

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم