حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الخميس ,14 ديسمبر, 2017 م يوجد الآن عدد (4877) زائر
طباعة
  • التعليقات: 7
  • المشاهدات: 26194

كنت أغار على زوجي و أوقفني اسلوبه

كنت أغار على زوجي و أوقفني اسلوبه

كنت أغار على زوجي و أوقفني اسلوبه

28-08-2017 09:27 AM

تعديل حجم الخط:

سرايا -

سرايا - هلا الي بتغار على زوجها يعتبر مرض نفسي او الي تهتم فيه وبضل تسال عنه إذا غاب ؟؟
انا بسبب حكي زوجي لالي اني مريضة نفسيا ومعقدة صفت الغيرة عندي اختفت نهائيا بطلت مثل قبل اسال واهتم وأغار عليه
كل وحدة فينا جواها غيرة على زوجها ما بتحب وحدة ثانية تحكي معاه ...هلا فتحت المدارس ولازم اروح اسال عن اولادي مع العلم انو المدرسة مختلطة فيها معلمات ومعلمين وبنات صبايا
زوجي قبل اربع سنين ما كان يطلب مني اروح اسال عن الاولاد كان يكتفي هو بتوصيلهم واكتشفت انو كان يوقف مع المعلمات يسأل عنهم
كان يخجل مني يوخذني اروح اسال عن الاولاد مع اني متعلمه ومخلصة دبلوم وما بشتغل ..انا الي حق اروح اطمن واسال عن الاولاد بس هو ما بده يوخذني اروح اسال عنهم .. هلا حاليا انا ما بروح ولا بعرف اشي عن الاولاد داخل المدرسة والاتصال ما يكفي لحتى اعرف عنهم...ما بخليني ادرسهم لأنه مو واثق من أسلوب تدريسي ،؟؟؟؟!!!!طيب ليش هيك الي بتدرس بكالوريوس ومجاستير ما بنخجل منهم؟؟؟؟والي بتشتغل برضو ما بنخجل منهم؟؟
بحمد الله اني بطلت اغار حتى اني بطلت فضولية زي قبل كل شيء فيني مات الحمد لله بس وجودي بلبيت مجرد اسم وبس ...وعن نفسي ما بطلب الا اني اتوظف لحتى اغير جو ...اعتبروها مجرد فضفضة وما بدي حد يغلط ..والي عندو شريكه حياه اياك بنعتها مريضة نفسيا لانها راح تموت وهي عايشة مثلي تماما....






طباعة
  • التعليقات: 7
  • المشاهدات: 26194
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
28-08-2017 09:27 AM

سرايا

2 -
اختي ياما ناس ما معاهم شهادة نهائياً وقدروا يعلموا اولادهم ويوصلوهم الى اعلى المراتب

ما تعتمدي على زوجك انت شخصيتك لازم تقويها وتروحي تسالي عن الاولاد وادرسيهم

والي مش عاجبوا يخبط راسه بالحيط

وبالنسبة لغيرة زوجك شو بدك فيه ازبلي وانسي واهتمي بحالك الرجال بحبوا يشوفوا حالهم والله

في النهاية هو الي اختار هاد الطريق وانتي كملي مستقبلك وطريقك والله يوفقك بس لازم ترفعي معنوياتك
28-08-2017 09:38 AM

دلع

التبليغ عن إساءة
3 -
بالنسبة انه ما بخليك ادرسي ولادك فهاي نعمه كبيرة انتي مو حاسه فيها ...
وخليك مريحه راسك من متابعتهم وخلي وجع الراس اله..
اما بالنسبة لغيرتك عزوجك كوني على ثقة الي بده يغلط بغلط لو معلق بالسما فإتكلي على ربك ولا تسأليه ولا عبالك ...
28-08-2017 10:12 AM

لين

التبليغ عن إساءة
4 -
كلامك معقول !!! أبصر!!!
28-08-2017 12:11 PM

فضفضة

التبليغ عن إساءة
5 -
عيشي حياتك كما تريدين مادامك لاتعصي الله
28-08-2017 01:31 PM

غزالة

التبليغ عن إساءة
6 -
فضفضتي يا حجة .. اي انتي لازم تحمدي ربك وتشكريه ان جوزك متحمل كل هالمسوؤلية عنك . خليه هو يروح يسأل عنهم ولا تخافي المدرسات مش رح ياكلوه . وخليه هو يدرسهم ويشتريلهم مستلزمات المدرسة ويجلد الكتب كمان . هههههه . يا اخي بتحس بعض النسوان بدها تحط جوزها بخزانه وتسكر عليه بحجة الغيرة . اقولك الحل من الاخر طالما هو بقول انك مريضة بالغيرة . انتي كمان حاولي تثيري غيرته ( بس عالخفيف ) . يعني مثلا وانتوا بتشاهدوا فيلم اجنبي عبري عن اعجابك بالبطل الاشقر مفتول العضلات , وتصرفاته مع البطلة , وبس يغار جوزك ويزعل . قولي له انت بتغار بشكل مو طبيعي يا حبيبي انت مريض نفسي . هههههههه . هيك بتكوني رديتي اعتبارك وعاملتيه بالمثل . بس لو صار سيناريو غير وخرج زوجك عن النص انا ما لي علاقة . هههههههههه
28-08-2017 01:35 PM

المتكتك

التبليغ عن إساءة
7 -
نعم هذا اسمو مرض نفسي الي بتشك
29-08-2017 04:11 AM

ايس كريم علفحم

التبليغ عن إساءة
8 -
يعني انتي تركتي كل واجباتك تجاه اولادك وصار همك تروحيلهم عالمدرسه ، اقعدي واسكتي لو جوزك بدو يلف ويدور بلاقيله مليون مكان غير المدرسه
31-08-2017 12:47 PM

ابراهيم

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم