حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الثلاثاء ,24 أكتوبر, 2017 م يوجد الآن عدد (4894) زائر
طباعة
  • التعليقات: 27
  • المشاهدات: 20944

زوجي مسحور

زوجي مسحور

 زوجي مسحور

15-08-2017 12:32 PM

تعديل حجم الخط:

سرايا -

 سرايا - ارجوكم تدلوني ازا اللي صار معي معقول او لا انا متزوجه من ١٠سنوات عن حب و عندي ٣ اطفال زوجي يعتبر رجل متدين نوعا ما وما كان الو عقصص النسوان من فتره حكت معو وحده واشترت من عندو سياره و شكلها لزقتلو بعدها وعحسب حكيو انو كان يصدها كتير المهم من فتره ٧ شهور زوجي تغير علي كتير و بطل يقعد معي ولا يدخل البيت الا للنوم وانا كنت بعاني جدا من جفاؤه المهم من كم يوم اجا واعترفلي انو كان يطلع ويروح و يجي مع هاي البنت ووصلت معو انو بدو يتزوجهامع العلم انها مطلقه مرتين واكبر منو ب٥ سنوات و قلي انها عملتلو سحر جلب انتقاما منه لانو كان يصدها و ماسدقتو طبعا لكنو جبلي شيخ و قلي انو زوجك مجلوب عن طريق شموع و مابعرف شو و دينو و ايمانو خلاه يكتشف و يروح ويسأل انو هوي ليش عمل هيك مع انو مو ببالو ولاهوي تبع هيك قصص انا بصراحه محتاره جدا اصدقو او شو اعمل






طباعة
  • التعليقات: 27
  • المشاهدات: 20944
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
15-08-2017 12:32 PM

سرايا

2 -
ان كيدهن عظيم

شو بدك تعملي يعني ادعي الله يهديه واقراي قران في البيت واقرأي المعوذات وسورة البقرة



ولا تنسي أذكار الصباح والمساء
15-08-2017 12:48 PM

عبير الورد

التبليغ عن إساءة
3 -
يا اختي شو سحر وحكي فاضي ما تصدقي وبعدين الشيخ شو عرفه إنه سحر شو كاين هو بعلم بالغيب لا تصدقي بس مشكلة هالنسوان هاي الأيام بجذبن الزلمه وجد عيب عليها بنصحك واجهيها

15-08-2017 01:06 PM

وعد

التبليغ عن إساءة
4 -
السلام عليكم ورحمة الله وبركاته..

اختي السحر موجود سيدنا محمد صلى الله عليه وسلم انسحر وكله بأمر الله بس أنا مستغربه انه وحده تعمل سحر جلب ومابعرف شو والأغرب انه جوزك عارف انه مسحور ويتصرف بدون اراده طيب ليش ما بيعالج نفسه بالقرآن ويروح على اهل الله ويرقوه رقية شرعيه وبتنحل المشكله بس شكله هو مبسوط اذا كان كلامه صحيح★★★
15-08-2017 02:26 PM

زهرة النرجس

التبليغ عن إساءة
5 -
اصبري وحاولي تفكيه بماء ورق الصدر
15-08-2017 03:05 PM

بدون اسم

التبليغ عن إساءة
6 -
زوجك كذاب ومنافق

احضر لك دجالا ومشعوذ ليقنعك بهذا الكلام التافه

ثابري على سماع المعوذات وسورة البقره ودعي هذه الايات والسور تصدح في ارجاء البيت

الله الشافي
15-08-2017 05:12 PM

امير الليل

التبليغ عن إساءة
7 -
السحر موجود

وورد ذكره بالقران

طيب اذا مسحور ليش الشيخ ماساعده



او انت اقرئي ايات وادعية لفك السحر

على ماء وزيت

ويتحمم ويشرب منها

ويواظب على الصلاة

والدعاء كمان لله
15-08-2017 08:55 PM

السوسنة. السوداء

التبليغ عن إساءة
8 -
شكلك على نياتك انا مع رأي امير الليل
16-08-2017 12:23 AM

العنووووود

التبليغ عن إساءة
9 -
اسمعي اتوكلي ع الله جوزك مش مسحور بس كل زلمه بده يجوز يعمل حاله مريض
16-08-2017 12:40 AM

التوكل ع الله

التبليغ عن إساءة
10 -
اين انت

ان شالله خير يا رب طمني اخي العزيز
16-08-2017 01:31 AM

عبير الورد الى عامر كمال

التبليغ عن إساءة
11 -
⚘⚘⚘
16-08-2017 03:21 AM

⚘⚘⚘⚘

التبليغ عن إساءة
12 -
جوزك ولا مسحور ولا بطيخ بس بدو يتجوز و مش ملاقي حجة تانية يقنعك فيها
السحر حكي فاضي لانو مش موجود في الايام هاي (انتهى السحر بعد نزول المعوذات)
ف انتي شةفي يا بتتحملي الضرة يا بتتطلقي.
و نصيحة مني اتحملي الضرة الا اذا وضعك المادي بسمح انك تصرفي ع حالك وولادك
16-08-2017 03:31 AM

محمد1990

التبليغ عن إساءة
13 -
طيب خله يتسخم ويتجوزها وين المشكله ...جوزك متنيل واقع بحبها لهيكا مريض من حبها
16-08-2017 07:20 AM

الحظ العاثر

التبليغ عن إساءة
14 -
الرجال الرجال هههه
16-08-2017 08:33 AM

هنوف

التبليغ عن إساءة
15 -
سماع سورة البقره في البيت يوميا مفيده وافضل علاج
16-08-2017 08:45 AM

RAFATI

التبليغ عن إساءة
16 -
إطمنوا اطلعت انا اللي مسحورة وراكبني جن بعدين بحكيلكوا شو صار
16-08-2017 11:39 AM

صاحبة المشكلة

التبليغ عن إساءة
17 -
اكيد مسحور .. سحرتوا بجمالها ودلالها وانوثتها . الظاهر سحرها اقوى من سحرك مشان هيك قلبه مال الها , في رجال مقاومتهم ضعيفة للسحر وجوزك من هالنوع . بنصحك تحاولي تقوي سحرك لعل وعسى تقدري ترجعيه وتمنعيه يتزوجها
16-08-2017 12:21 PM

المتكتك

التبليغ عن إساءة
18 -
ليش من حكالك انه المسحور بقدر حد يقنعوه انه مسحور ولا الدنيا كلها بتقنعوه هاي خطة مشتركة عشان اتباركيله الزواج مهو يحرام معذور حدا ساحره شكلهم طابخينها سواااا
16-08-2017 12:29 PM

lorans al kady

التبليغ عن إساءة
19 -
انا اول مره اشوف واحد يعترف انه مسحور اختي المسحور لا يمكن ينتبه على تصرفاته او يلاحظها لانه مغشى على عيونه

فا يا زوجك حاط عينه عليها او انتي شكاكه بزياده او فعلاً يطلع مسحور لكن علاجه بالقرآن والسنه النبويه وحابه اقول لكي انتي ما لاحظتي عليه شي في رمضان لان عالم الجن ما يأذي الانسان

اذا كان كويس معكي معناته زوجك كذااااب
16-08-2017 12:31 PM

قمر البوووادي

التبليغ عن إساءة
20 -
المتكتك لو سمحت هل علقت على احدى القنوات الفضائية الاردنيه بهذا اللقب بعثت اكثر من مره وما رديت؛ الجواب يهمني
16-08-2017 12:35 PM

قمر البوووادي

التبليغ عن إساءة
21 -
ان شاء الله جن يركبك عن جد يا صاحب التعليق

ههههههههه
16-08-2017 02:21 PM

امير الليل

التبليغ عن إساءة
22 -
اختي انصحك ان تقراي نصيحة اخت فاضله هنا في الموقع اسمها عبير الورد .فهذه الاخت كلامها بلسم ووعضها يفوح العطر منه هي تنصح للفائدة لا لصك الحكي تابعي تعليقاتها وسوف ترين كيف هي انيقه ورقيقه
16-08-2017 03:07 PM

عامر كمال الى صاحبة المشكله

التبليغ عن إساءة
23 -
مابتلاحظي ياقمر صار اسلوبك مثل اسلوب مها ؟؟

ليش هالتطفل . اسمها ثقالة دم وزناخة وقرف بطلي هبل .. يعني اشي بضحك تعليقاتك فصحى مع عامية قمة السخاافة
16-08-2017 04:23 PM

نورس الى قمر البوادي

التبليغ عن إساءة
24 -
قمر البوادي .. اسف ما شفت تعليقاتك , لا والله ما علقت
16-08-2017 05:06 PM

المتكتك

التبليغ عن إساءة
25 -
ما الذي يضايقك في تعليق الفاضله قمر يا اخ نورس،انها تكتب بالعاميه والفصحى،اذا عد لتعليقك لتجد انك ارتكبت نفس الاخطاء

نحن لسنا مدرسين عربي في هذا الموقع او متخصصين في العربي

ام ان هنالك حقد وغل وغيره من هذه الفتاه

اسلوب ردك يدل على ذلك
16-08-2017 06:30 PM

امير الليل

التبليغ عن إساءة
26 -
شكرا الك اخي الفاضل

انت كلامك كلو شفاء ورقي وزوووء

تسلم يا راقي انت
16-08-2017 07:03 PM

عبير الورد الى عامر كمال

التبليغ عن إساءة
27 -
الاخوه امير الليل و نورس ممكن تاجلوا المباطحه شوي لاني هسه مش فاضي هاذ انا من مكان لمكان بحل قضايا ومنازعات واصلاح ذات البين
16-08-2017 08:04 PM

الحظ العاثر

التبليغ عن إساءة
28 -
طيب ما دام إنه هو معه سحر متل ما بقول ؛ طيب ليش يتزوجها لعاد ؟ بل بالعكس لازم يعرف إنه لازم يتعالج بل حتى لازم إنه انتقامآ إلها ما يتزوجها لكن حكالك هيك لحتى تسكتي يا بطة .
16-08-2017 10:55 PM

آيات

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم