حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الثلاثاء ,24 أكتوبر, 2017 م يوجد الآن عدد (4941) زائر
طباعة
  • التعليقات: 15
  • المشاهدات: 20455

اندمت اني اعطيتهم

اندمت اني اعطيتهم

اندمت اني اعطيتهم

13-08-2017 11:38 AM

تعديل حجم الخط:

سرايا -

 سرايا - مرحبا  بدي تحكولي شو اعمل بهالموضوع ...انا  سيدة ورثت مال من اهلي بعد وفاة ابي الله يرحمه .. هلأ ما لحق يكون المال خاصتي بالبنك اجا الاستاز جوزي صار يترجا فيي انو ابو زوجي بدو مصاري بشكل ضروري وانا انصدمت لانو ازا اهلي بسمعو هالكلام رح يقتلوني.. هلأ انا رحت ورضيت زوجي لاني خجلت من حماي انو طلبهم وضل يتصل ع زوجي يتطمن انو وافقت ولا لأ ...المهم اعطيتو 4 آلاف دينار كان بدو حوالي 10 الاف دينار بس ما رضيت اعطيه غير 4 ولا كان راحو كل مصاريي .. هلأ عدا ع القصة هاي 7 شهور .. وانا محتاجة مصاريي بدي ياهم لمشروع مهم ..فصرت اطالب بزوجي قلتلو خلص بدي ياهم .. صار يحكيلي ابي هلأ ما معو مصاري ومن هالحكي وصار ينكد عليي ومع انو ظروف حماي كتير كتير منيحة بس ما بعرف ليه هالتصرف انا خايفة ما يعطوني مصاريي .. هلأ انا بدي اطلبهم من حماي بزبط اطلبهم منو ولا عيب .. او اعطوني نصيحة شو اعمل وشو احكي مع حماي لاني جد محتاجيتهم للمصاري ودار حماي مافيهم رحمة اندمت يلي اعطيتهم ..
بتمنى تعطوني نصيحة بهالموقف






طباعة
  • التعليقات: 15
  • المشاهدات: 20455
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
13-08-2017 11:38 AM

سرايا

2 -
ما الك علاقه مع حماك علاقتك مع جوزك اطلبيهن من جوزك واذا ما تعاون معك روحي عحماك واذا ما تعاون شوفي ناس بمونو على حماتك .نصيحه لا تندمي عفعل الخير
13-08-2017 11:57 AM

عامر كمال

التبليغ عن إساءة
3 -
انا برايي تقعدي مع حماكي وتحكو بالتفاهم ووضحيلو انك ناوية ع مشروع مرتب وبطريقتك وباسلوبك الحلو بوافق يعطيكي اياهم مش تروحي عطول تحكيلو بدي مصاريي لا روحي واقعدي واضحكو واحكو ولما يسمع انك مو ناوية تضيعيهم يعني ناوية تعملي مشروع اتوقع رح ينبسط وماتدخلي زوجك بينكم
13-08-2017 12:22 PM

8

التبليغ عن إساءة
4 -
السلام عليكم ،،،،،،،،،،،،،
يقول الرسول { ص } :- { إذا ضيعت الأمانة فارتقبوا الساعة } .
يا أختاه ، القصة غير كاملة وغير واضحة بالنسبة لي لا لغيري ، فأنت لم تذكري لنا ما إذا كان هناك اتفاق على موعد معين ، وهل سيعيد المبلغ لك كاملا أو بالأقساط ، ولم تذكري كذلك لم احتاج المبلغ وهو كما ذكرت أن ظروف حماك كتير كتير منيحة يا مديحة ، على جميع الأحوال والأقوال ، إذا كان هناك اتفاق مسبق على موعد معين لإرجاع النقود فعليك الإلتزام بالموعد المعين ،، بصراحة الحق عليك أنت ، لأنك لم تقومي بما أمر الله به وهو :- { يا أيها الذين آمنوا إذا تداينتم بدين إلى أجل مسمى فاكتبوه } ، فلماذا لم تكتبيهم على ورقة عليها توقيعهم وشهود عليها ؟؟؟
لا تقولي لي زوجي ، ألا أثق به ؟؟؟ فسيرد عليك { محمدكو } أنك خاطئة ، لأنك قد أكتبتبية على دين لك من قبل وأمام شهود ، إنه ( المؤجل في عقد الزواج الذي بحوزتك ) ، إذا أين الثقة ؟؟؟؟؟
هذا دين وليس تين ، النصيحة لك ، قومي بتوقيعه على ذلك الدين مع وجود شهود وذلك لضمان حقك منه . محمدكو . سلام .
13-08-2017 12:34 PM

محمدكو

التبليغ عن إساءة
5 -
طبعا اطلبي حقك والي مش عاجبه ينسطح

13-08-2017 12:37 PM

امير الليل

التبليغ عن إساءة
6 -
لا تطلبيهم لانهم تقريبا راحوا عليكي الا اذا بدك تطلقي
13-08-2017 12:46 PM

محمد 1990

التبليغ عن إساءة
7 -
لا تطلبهم ولا عبالك خليهن صدقه جاريه عن روحك الطاهرة
13-08-2017 02:15 PM

هنوف

التبليغ عن إساءة
8 -
حسبي الله ونعم الوكيل

حسبي الله ونعم الوكيل



ما الك غيرها لانه هدول ناس ما بخافو الله

وانت ضلك اطلبيهم من زوجك جننيه فيهم

لا حول ولا قوة الا بالله
13-08-2017 02:46 PM

عبير الورد

التبليغ عن إساءة
9 -
المفروض ان جوزك يشكرك هو وابوه على المساعدة اللي عملتيها , والمفروض يرجعوا الفلوس باسرع وقت , ولو مش قادرين يرجعوا الفلوس عالاقل عمك يعتذر منك ويبدأ يرجعلك اياهم بالتقسيط ,لكن طالما هذا اللي حصل بنصحك تضغطي على جوزك انه يطلب الفلوس من ابوه وفهميه هاي الفلوس بالنهاية لابناءكم , ومش المفروض يفرط فيها , وممكن كمان تخبري جوزك انك خايفة اهلك يعرفوا انك اعطيتي عمك فلوس ويصير احراج لعمك ولجوزك قدام نسايبهم . بعدين هدديه اذا هو ما طلبهم انتي رح تروحي لعند عمك وتطلبيهم . واصلا ما فيها اي احراج انك تطلبي حقك من عمك , طالما هو ما خجل منك ليش انتي تخجلي من طلب حقك .
13-08-2017 03:21 PM

المتكتك

التبليغ عن إساءة
10 -
جد الدنيا غريبة عجيبة واحد يوخد من زوجتة ورثتها من اجل والدة ليه ما هو اخد ل لوالدة قرض ازا محتاج ...

لا اعيب الزمن ولكن اعتب على قلة الرجولة بهذا الزمان....
13-08-2017 06:39 PM

سندريلا

التبليغ عن إساءة
11 -
السلام عليكم. يا اختي اولا في الاسلام المراة ذمة مستقلة عن جوزها يعني هاي مصاريكي. وثانيا لما بدك تعطي اي حد مين ماكاان مصاري كان لازم توقعيه على وصل وانا متاكد ماعملتي هيك. بقدر اقلك انه ابو جوزك وحتى جوزك مش كويسين يحطوا عينهم عامصاريكي بس مافيها اشي تطلبيهم اذا بعطوكي اياهن والا بعترفوا وراح تضطري تتركيهم عشان ماتخربي زواجك فالعوض بوجه الكريم
13-08-2017 09:07 PM

الفيومي

التبليغ عن إساءة
12 -
قال تعالى: ﴿ يَا أَيُّهَا الَّذِينَ آمَنُوا إِذَا تَدَايَنْتُمْ بِدَيْنٍ إِلَى أَجَلٍ مُسَمًّى فَاكْتُبُوهُ وَلْيَكْتُبْ بَيْنَكُمْ كَاتِبٌ بِالْعَدْلِ وَلَا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلِ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا فَإِنْ كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لَا يَسْتَطِيعُ أَنْ يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى وَلَا يَأْبَ الشُّهَدَاءُ إِذَا مَا دُعُوا وَلَا تَسْأَمُوا أَنْ تَكْتُبُوهُ صَغِيرًا أَوْ كَبِيرًا إِلَى أَجَلِهِ ذَلِكُمْ أَقْسَطُ عِنْدَ اللَّهِ وَأَقْوَمُ لِلشَّهَادَةِ وَأَدْنَى أَلَّا تَرْتَابُوا إِلَّا أَنْ تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا وَأَشْهِدُوا إِذَا تَبَايَعْتُمْ وَلَا يُضَارَّ كَاتِبٌ وَلَا شَهِيدٌ وَإِنْ تَفْعَلُوا فَإِنَّهُ فُسُوقٌ بِكُمْ وَاتَّقُوا اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ ﴾





هالآية مش رح تحل المشكلة لكن رح تعلمك بالمستقبل،،،،،بنصحك تأجلي الطلب فترة فإذا كان حماكي و زوجك لؤما معك روحي اشتكي لحدا مسموعة كلمتو بالعيلة أو إذا خايفة من الطلاق فيوم القيامة بتستديهم حسنات،،،،، حسبي الله ونعم الوكيل على هيك ناس،،،،،
13-08-2017 10:15 PM

دنيا،،،،

التبليغ عن إساءة
13 -
بصراحة محمدكو جوابك اقنعني وهي حجة لم اكن اتوقعها حتى فادتني مشكور اخي
14-08-2017 11:27 AM

دلع الة محمدكو

التبليغ عن إساءة
14 -
اطلبي المبلغ من زوجكي وروحي اشتري في كل الملغ ذهب
14-08-2017 11:28 AM

RAFATI

التبليغ عن إساءة
15 -
احكي لحماتك احسن هيك رح تكتشفي هل عندهم نية بالسداد او لاء ..
14-08-2017 12:43 PM

ياسر

التبليغ عن إساءة
16 -
السلام عليكم ،،،،،،،،،،،،،،،،
لا شكر على واجب يا دلوع . { محمدكو } . سلام .
16-08-2017 12:14 PM

محمدكو

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم