عأساس قطة مغمضة

08-08-2017 12:33 PM

تعديل حجم الخط:

سرايا - سرايا - انا سيدة خطبت لابني الصغير اخر العنقود فلذة كبدي بنت من معارفنا والبنت عأساس قطة مغمضة ادامية وبتعرف بالاصول بس للاسف انخدعنا فيها لا بتسأل في ولا بالصبي وبتضل سري مري عالاسواق ومشاويرها ما بتخلص اليوم عملت لمة عندي وقلتلها تعي وقفي معي استقبلي العالم ما بدي تساعد يشهد الله علي جهزت كل شي بس بدي تقعد معي ما اجت ولا عبرتني قال شو بابا ما قبل شو اعمل والله قهرتني وابني مسكين ساكتلها عكل شي انا خايفة تظل على هدا الحال وتزيدها بعد الزيجه انصحوني شو اعمل معاها .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36597


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	08-08-2017 12:33 PM سرايا
2 -	السلام عليكم ،،،،،،،،،،،، تحية طيبة إلى الأخت الكريمة { زهرة النرجس } ، وأشكرك على تقبل رجائي منك بأن قمت بالتعليق . للأسف فإني أمر بأوقات صعبة للغاية ، فلا أستطيع التعليق أو حتى المتابعة المستمرة في هذه الزاوية ، آملا من الجميع الدعاء لي بأن ينصرني على من عاداني من التجار ومن غيرهم الذين كل همهم المال ، ولا يهمهم سوى جمع المال سواء أكان ذلك زورا أو حراما أو أكل مال الأيتام ..... { الله لا ايسامحهم لا دنيا ولا آخرة } . أراكم بخير . محمدكو . سلام	08-08-2017 12:44 PM محمدكو التبليغ عن إساءة
3 -	عادي يا حجة بنات الايام هاي بحبو يروحوا المولات وبموتوا بشي اسمه شوبنج . طالما المحروس اخر العنقود راضي ومبسوط معاها انتي اطلعي منها واتركيهم يتفاهموا مع بعض , بعدين انتي ليش تطلبي منها تحضر اللمة عندك اصلا ما مفروض تدخل على بيت خطيبها الا بعد العرس .	08-08-2017 12:51 PM المتكتك التبليغ عن إساءة
4 -	برأيي و من غير زعل انتي الغلطانة شو بدك فيها للمخلوقة سيبيها في حالها اجت ولا ما اجت. شكلك رح تعملي مشاكل لابنك من ولا اشي فعلا شغل حموات	08-08-2017 12:54 PM محمد 1990 التبليغ عن إساءة
5 -	انت قلت خطيبه وليست زوجه.يعني بدك اياها سري مري عليكي ما في بنت قطه الايام هاي	08-08-2017 01:10 PM امير الليل التبليغ عن إساءة
6 -	اقعدي مع امها واحكيلها كل هاد الحكي وشوفي شو رح تحكي ازا الام وقفت مع بنتها معناها ما فيهم خير	08-08-2017 03:38 PM حل للمشكلة التبليغ عن إساءة
7 -	اختي انت خطبتيها لأبنك ما خطبتيها تخدم عليكي خلي بناتك يساعدوكي واذا ما عندك بنات خلي ولادك يساعدوكي انا امرأة كبيرة واعرف بالاصول	08-08-2017 04:23 PM دلع التبليغ عن إساءة
8 -	نصيحه اخوية افرطيها قبل لا تتورطوا اكثر بعد الجيزة مثل ما صار مع اخوي هيك عالم ما بتتناسب اصلا وخطيتك برقبتي والسلام	08-08-2017 04:52 PM hasan awad التبليغ عن إساءة
9 -	أنت بدك تطولي بالك عليها شو يعني راحت عالسوق وإذا تفاهمت مع أبنك بكون هيك مشكله عندك أنا لو مكانها أهلي فعلا ما بسمحولي اروح على دار خطيبي حطي النيه الحسنه دايما في بالك واهم اشي سعادة ابنك مستحيل في بينكو فرق بالعمر والشخصية وتيجي على مزاجك بالزبط انت عامليها زي بنتك لا تخسري ابنك	08-08-2017 06:04 PM التبليغ عن إساءة
10 -	السلام عليكم ورحمة الله وبركاته.. دعائي للأخ محمدكو الله يفرجها عليك ويبعتلك اولاد الحلال وييسر امور ... إن الله مع الصابرين صاحبة المشكله يعني بصراحة بكير كثير تحطي اللوم عليها لساتها خاطبه ببيت ابوها وأبوها صاحب الرأي مش خطيبها بس تصير ببيت ابنك اتحكمي فيها لاحقة ع منكادتها .... الله يعينها عليكي ★★★	08-08-2017 10:53 PM زهرة النرجس التبليغ عن إساءة
11 -	والله يا خالتو انا بحكي اذا عملت معك اكتر من موقف افسخوا الخطبة لأنه والله الي سلفة متل هيك كانت بالخطبة وبس تزوجوا فرجت نجوم الظهر لحماتي وحماتي دايما تبكي منها ومن عمايلها وهي كمان بتقربلهم متل قصتك بالضبط والسلام عليكم ورحمة الله وبركاته......	09-08-2017 12:29 AM بيسان التبليغ عن إساءة
12 -	مسا الخير اخ محمدكو دعائي لك.. الله ينصرك على اعداءك ويبعتلك ولاد الحلال لصاحبة المشكلة اتركيها هي عند بيت اهلها لسة بس تيجي عندك تحكمي فيها متل ما بدك	09-08-2017 01:01 AM عبير الورد التبليغ عن إساءة
13 -	مسا الخير اخ محمدكو دعائي لك.. الله ينصرك على اعداءك ويبعتلك ولاد الحلال انا وحدة مجربة ناس اكلو مال اليتيم بس ضل احكي حسبي الله ونعم الوكيل لصاحبة المشكلة اتركيها هي عند بيت اهلها لسة بس تيجي عندك تحكمي فيها متل ما بدك	09-08-2017 01:02 AM عبير الورد التبليغ عن إساءة
14 -	حجة . . . بلاها شغل الحموات و اتق الله في كناينك . . .	09-08-2017 07:55 AM سلفادور . . . التبليغ عن إساءة
15 -	ما بصير تيجي لعندك يا حجة وهي لساتها بفترة الخطوبة	09-08-2017 08:25 AM لين التبليغ عن إساءة
16 -	هاي بنت عنيدة و شورها من راسها و رايحة تغلب ابنك شكلو هو القطة مغمضة	10-08-2017 08:22 AM انداري التبليغ عن إساءة
17 -	كل هالجيل الهامل مثل بعضه وفاهم بعضه	10-08-2017 11:45 AM ابو حازم التبليغ عن إساءة
18 -	كله حكي فاضي .... حكي نسوان .... مش فاضيين الك ولمشاكلك التافهة	10-08-2017 11:59 AM حكي نسوان التبليغ عن إساءة