حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 السبت ,16 ديسمبر, 2017 م يوجد الآن عدد (4946) زائر
طباعة
  • التعليقات: 21
  • المشاهدات: 26460

مشكلتي اختي

مشكلتي اختي

مشكلتي اختي

05-08-2017 12:33 PM

تعديل حجم الخط:

سرايا -

 سرايا - 'أنا فتاة  مشكلتي لا بزواج و لا حب و لا حتى بخيانة و لا حتى طوشة مع صاحبة
أنا مشكلتي أختي بنت أمي و أبوي لحمي و دمي
كانت البداية إني البنت الكبيرة و هي أختى الأصغر و هيك كنت أنا المسؤولة عن البيت مع أمي و هي ما بتعرف إشي و لا بدها تساعد و لا تتعلم
طول اليوم على تلفونها و مع صاحباتها حكيت عادي كل البنات هيك
بس المشكلة بلشت لما تعرفت على واحد و هي بتوجيهي و أنا بتانيه جامعة و ركبت راسها قال بدها تتزوجو بس تخلص توجيهي
كل أهلنا كانوا ضد الموضوع من الأساس لأنها لساتها صغيرة و فوقها خفيفة و ما بتعرف إشي
بس مشت كلامها بالتهديد و بالمجاكرة و مرة بدها تهرب معو و مرة بدها تقتل حالها
زوجناها غصبا عنا حتى الفرحه ما فرحنا متل العالم
و بعد زواجها بفترة صارت تغار بطريقة مريضة على زوجها و تحكي بوجهي إني بدي أخطفو منها !!
و كل زيارة تعمل طوشة و تحكي كلام مريض عني و وصلت تفتش تليفوني و تليفون زوجها
على أساس تكمشنا نحكي مع بعض و أنا زوجها ما شفتو إلا كام مرة و أساسا من لما صارت تحكي هالتخبيصات صرت أتحاشاه و ما أطلع حتى أسلم عليه
و الله نشف ريقي و ارتفع ضغط أمي و أبوي و هم يحكولها إنتي مريضة و أختك بريئة من بلاكي و جنونك
و بالعكس زادت المشاكل و صارت تحكي و تشكي للناس و تتهمني بزوجها و هون أبوي وقفلها
و قالها زواج و زوجتك مع أنو غصيبة و وصلتك لبيت زوجك اللي كنتي منكده عيشتنا عليه
و مشيتي كلامك و فرضتي رأيك أما تتهمي بنتي بشرفها و توطي راسي بين الناس فهاد اللي مستحيل أسكت عليه
و قالها لا عاد تجي عندنا و هون هي قللت أدبها مع أبوي و حكت كلام وقح و مسبات
و أبوي ضربها و روحت لبيتها و حكت كلام على لسان أبوي كلو كذب على حماها و حماتها و بنات حماها
و إنو ابوي جاي بعرضهم و هيك و حماها إتصل و طاوش أبوي و هدد يشتكي عليه و سمعو كلام وسخ
أبوي حاول يدافع عن حالو بس ما خلاه و بعدها زوجها إجا عندنا و طاوش أبوي كمان و سب عليه
المهم أبوي حلف يمين طلاق إنو أختي هاي ما تدخل بيتنا طول ماهو عايش
و هلا المشكلة صارلها سنة و شوي نفسيتنا بالأرض و أمي دايما تعيط و أبوي صار معو سكري و ضغط
من ورا عمايلها و الأدهى إنها كل ما حدا يفكر يطلبني بتوصلو هي و بيت حماها و بيحكوا بشرفي
و خلت سيرتي على كل لسان و الناس مصدقتها لأنها محسوبة علي أخت
و الله أنا بحياتي ما قربت و لا فكرت باللي هي تفكر فيه و لا عملت إشي فيو تجاوز لحدود الله
بس إيش أساوي دمرتني بمرضها و أنانيتها و مرضت أبوي و عذبت أمي شو اعمل ساعدوني






طباعة
  • التعليقات: 21
  • المشاهدات: 26460
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
05-08-2017 12:33 PM

سرايا

2 -
لا حول ولا قوة الا بالله

احتسبي لله













وغير يفرجها عليكي اختي

وداومي على الاستغفار وادعي ربنا يهديها

الدم عمره مابسير مي

05-08-2017 01:00 PM

الافندر

التبليغ عن إساءة
3 -
استعينوا بالله

وعليكم بقراءة سورة البقرة كل يوم وان شاء الله ربنا بيفرجها عليكم

صدقيني اخرة اختك هاي تتطلق وترجع تبوس رجليكم

الله يصلح الجميع
05-08-2017 03:07 PM

مسلم

التبليغ عن إساءة
4 -
خلي حدا يشوف جوزها ويوقفها عند حدها هاي زودتها كثير
05-08-2017 03:43 PM

ام العبد

التبليغ عن إساءة
5 -
امير الليل

شو تخصصك ارائك محترمه تحيات لك
05-08-2017 04:17 PM

هنوف

التبليغ عن إساءة
6 -
تحيه لمحمدكو افوت هنا لاجل اقرء تعليقات امير االيل ومحمدكو
05-08-2017 04:19 PM

هنوف

التبليغ عن إساءة
7 -
ستي شكلك فعلا حاطة عينك علية يا اختي بس يجي جوز اختك احتشمي وكوني رسمية معه ما تدخلي معاه مزحيات كل وحدة بتغار عجوزها من الهواء الطاير شكل اختك شافت منك تصرف ما عجبها والا ايش تاتتهمك هيك اتهام مستحيل اي وحدة اختك او غيرها تحكي هيك الا اذا شافت منك تصرف اختي حاولي احتشمي
05-08-2017 08:22 PM

تو

التبليغ عن إساءة
8 -
يا بنت الناس شكلها اختك فعلا لاحظت عليكي اشي
05-08-2017 10:40 PM

سارة

التبليغ عن إساءة
9 -
السلام عليكم ادعيلها الله يهديها بصلاتك والله يصلح حال بينك وبينها وعشان زواجك رح يجي نصيبك اهم شيء تخفيف على ابوك وامك وتحاولي تصلحي بينهم وتحنني قلبهم على اختك
05-08-2017 11:54 PM

التوبه

التبليغ عن إساءة
10 -
حسبي الله ونعم الوكيل فيها هاي مريضة اللي مافيه خير ل اهله مافي خير الناس ربك كبير استغفري وصلي على رسول الله وادعي ماعليك الا بالدعاء وكيف زوجها ضاببها تتبلى عليه

اخرتها تصحى على حالها ربنا يعجل بالفرج عليكم اختي انصدمت .....
06-08-2017 12:01 AM

سندريلا

التبليغ عن إساءة
11 -
قصة كلها كذب يكذب ما فيه اخت بتعمل باختها هيك انت شكلك غيرانة منها لانها اتزوجت وانت ليس بالرغم من انك انت اكبر منها الله يهديكي يا اختي
06-08-2017 02:36 AM

بتول

التبليغ عن إساءة
12 -
شكلك غيرانة من اختك ديري بالك تفقعي
06-08-2017 08:33 AM

الي صاحبة المشكلة

التبليغ عن إساءة
13 -
يا عمي الي مسمي حاله ولا حالها تو خافو الله حطيت بذمتك انها صاحبة المشكلة حرام عليكم

يعني اختها بتسب على ابوها وبتوقع بين اهلها ودار حماها ودايرة من مكان لمكان تطعن في عرض اختها وبالاخر هذا تعليقك !
06-08-2017 09:18 AM

مسلم الى تو

التبليغ عن إساءة
14 -
حق اختك أنها تحافظ عبيتها وتغار علية من اي حد هاي انا يعتبرها مره مستورة الي بتغار عجوزها حتي من اقرب الناس الها ومن حقها انها تحمي بيتها من مين ما كان حتي من امها وابوها
06-08-2017 09:20 AM

سمر

التبليغ عن إساءة
15 -
انا رايي هاي تدخلاتك بتدمر لبيوت ابعدي انت واهلك عن اختك حرام عليكي تخربي بيتها
06-08-2017 09:33 AM

حلا

التبليغ عن إساءة
16 -
فعلا فية أهالي بتخرب بيوت ولادها وبناتها بايدها حرام عليكي تخربي بيت اختك
06-08-2017 10:10 AM

حرام عليكي

التبليغ عن إساءة
17 -
انت لازم توقفي بين اختك وزوجها مش تخربي حياتها
06-08-2017 10:55 AM

هاله

التبليغ عن إساءة
18 -
اولاً: عدم تمام زواجك من الاشخاص المتقدمين لك بسبب ما تقوله عنك اختك لهم هو ليس الا سبب لمنع زواجك حتى يحين نصيبك الذي اختاره لك الله عز وجل.
ثانياً: رضا الوالدين وطاعتهم من اسباب التوفيق والنجاح في الدنيا قبل الاخره، وعدم رضاهم من اسباب التعاسه في الدنيا قبل الاخره. والمشهد الاول للتعاسه هو لاختك الان وما هي عليه ولن تتوفق وهي على هذه الحال. ام مشهد الطاعة وحسن التعامل وطاعة الوالدين انت اذا كنت كذلك ستجدين ذلك ان شاء الله في حياتك القادمه.
ثالثاً: اذا استطعت في تدخل اشخاص من اقربائكم من اهل الخير والاصلاح ويتم شرح الموضوع امامهم ويتم تدخلهم قد يكون خيرا.
رابعا: وثق علاقتك بملك الملوك فهو الذي سيجعل في قلبك السكينة والحكمه والصبر والامل.
06-08-2017 10:58 AM

عين على نصف الحقيقة

التبليغ عن إساءة
19 -
شكرا اخت هنوف

هذا من طيبك واصلك الطيب

لا تعليق لي على المشكله لانه مش معقول في ناس مثل هيك
06-08-2017 02:42 PM

امير الليل

التبليغ عن إساءة
20 -
شكرآ لك هنوف كلك لطف

انت كم عمرك وماهو تخصصك هل تدرسين
06-08-2017 03:16 PM

من امير الى هنوف

التبليغ عن إساءة
21 -
الى الاخت هنوف....تعليق رقم ١٩ ليس مني

استحي على نفسك وعيب عليك

حسبي الله ونعم الوكيل للي انتحل لقبي
06-08-2017 04:59 PM

امير الليل

التبليغ عن إساءة
22 -
فعلا دنيا اخر وقت فية وحدة عاقلة بتحكي مشكلتي اختي لا والمشكلة حاطيتها عنوان
06-08-2017 08:27 PM

حرة

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم