بابا ما راح يوافق

29-07-2017 12:05 PM

تعديل حجم الخط:

سرايا - سرايا - انا فتاة من فترة اتقدملي شخص "" مهندس "" انا بعرفه من بعيد لبعيد ومنيح وخلوق ومرتب ( هيك شفته من تعاملاته) المهم هو بعتلي ع الفيس انه بدي ارتبط ومن هاي الامور انا سألته كم سؤال عنه وعن حاله وبعدها قلتله تفضل لاهلي واجت رنت امه ع امي عشان ييجوا وما تيسرت الجية للاسف لانه كان عنا عزايم وضيوف وامي ما بدها ييجوا عنا بهالوقت هاذ
ومرة رنت امه وما ردت امي فبعتلي هو رسالة انه ليش ما ردت... انا اعتذرت منه وقلتله مشغولين هلأ ومن هالحكي... ما بعرف وقتها اجى ببالي اساله اسئلة عن الشغل كونه انا متخرجة جديدة فكان من ضمنها سؤال انه كم راتبك؟ .... واقسم بالله مو هاممني الفلوس ع قد ما هاممني الشخص المنيح والكويس... راح ردلي ( هههههه تحكيش لحدا بس، 250 دينار مع العلم انه مهندس!!!! )
وهو من قبل حكالي عن وضعه انه فش بيت وبده يستاجر ومن هالحكي ( معوش فلوس كتير)
انا وافقت مبدئيا لانه انا كان ببالي انه هو حدا منيح فتروح الفلوس بستين داهية .... بس ما فكرت انه هيك الراتب؟
انا صراحة بعدها ترددت انه اوافق عليه وصرت ابعد عنه خاصة انه اهلي وبالاخص "" بابا "" ما حيرضى ابدا
وكمان حكيتله انه انا مو مرتاحة بالاستخارة حالياً
وصرت بس يبعت مسجات كمان ما ارد الا برسمية اكتر من قبل
هل الي بعمله صح؟ احكولي
لانه حاسه هو زعل... او كسرت بخاطره... وانا حدا ما بإذي ابداً.... هاتوا رأيكم؟ ولو كنتوا مكتني شو بتعملوا؟
و مع العلم انا مهندسة خريجة جديد كمان وعمري 22 وبتدرب ورح يكون راتبي ضعفين لتلات اضعاف راتبه

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 32156


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	29-07-2017 12:05 PM سرايا
2 -	بابا حجه ولا انتي مابدك اياه لما عرفتي انه طفران	29-07-2017 12:53 PM ام ادم التبليغ عن إساءة
3 -	اولا انت طماعه كثير وهذا من كلامك طبعا فعندما عرفت ان راتبه قليل بدات بالابتعاد عنه ثانيا ممكن تفهميني كيف رح يكون راتبك ثلاث اضعاف راتبه وانت خريجه جديده في الهندسه وهو خريج قديم.ممكن تجاوبي الله يسلموا منك ومن امثالك ذوي النظره الماديه وقال بقولوا العنوسه في الاردن مهو من امثال حضرة جنابك	29-07-2017 01:45 PM امير الليل التبليغ عن إساءة
4 -	اسأليه بصراحة كيف بدو يستأجر ويؤثث ويكسيك ويشتري ذهب ... يمكن عنده ميراث أو أهله بساعدوه. إذا ما عنده شيء بالمرة ما بدك هالطابق. رح يغلبك هو وأهله وتصيري تركضي انت وأهله وما تلحقوا على طلبةته !	29-07-2017 01:52 PM ام زياد التبليغ عن إساءة
5 -	مهندس و راتبو 250 هههههههه هاد بتخوت عليكي و مابدو يحكيلك راتبو بس شكلك اصلا طماعة و على نياتكم ترزقون الله, حبيبتي انا بشتغل مهندس 5 سنين خبرة حاليا راتبي 1700 + مدفوع بنزين سيارتي + تلفوني يعني بوصل ال2000 شهري مع البدلات, الموسرجي المساعد يعني مش معلم ولا بفهم بالصنعة بياخد عنا 300 اول ما يبلش يتدرب انو 250 والله ضحكتيني و ذكرتيني بوحدة لما كنت عزابي رحت اشوفها سألتني عن الراتب قلتلها 500 و بعدها ولا رجعت عندهم لانهم من اولها بتفرجو على راتبي	29-07-2017 02:30 PM ليث التبليغ عن إساءة
6 -	بلكي فيو اشي تاني اكبر من راتبه... اتاكدي	29-07-2017 03:07 PM منى محمد غصاب النمر التبليغ عن إساءة
7 -	أول شيء يمكن يكون حكا هيك ليختبرك ثاني شي إذا الشب كويس عادي راتبه المصاري مو كل شيء بكرة فلوسك على فلوسه بتعيشو أنا اخوي مهندس كان راتبه 400قبل كم سنه هسا ألفين دينار وأكثر خليه يتقدم وبعدين استخيري	29-07-2017 03:14 PM التبليغ عن إساءة
8 -	الزواج قسمه ونصيب .اليوم راتبه قليل وغدا سيتحسن وضعه مع الخبر. تمسكي بصاحب الخلق . وفقك الله	29-07-2017 03:56 PM الناصح التبليغ عن إساءة
9 -	ممكن بيختبرك ... بعدين من حقك تسألي ما فيها اشي و الحياة صعبة و المسؤوليه مش سهلة ع كل حال انا رأيي اذا كان ع خلق و مؤدب افهمي منه كيف بدكم تعيشو اقل ايجار 200 دينار ... و لا اكلتو و لا شربتو اذا كان راتبه هيك عن جد .. برأيي لا تستعجلي	29-07-2017 08:12 PM Green eyes التبليغ عن إساءة
10 -	مرحبا راتبه رح يزيد اكيد مع الوقت وراتبك اكيد رح يزيد وبتعيشو توكلي على الله ووافقي	29-07-2017 10:29 PM عبير الورد التبليغ عن إساءة
11 -	مسا الخير خليه يجي ويشوفوه أهلك وإذا ما وافقو قسمه ونصيب	29-07-2017 10:58 PM وعد التبليغ عن إساءة
12 -	الى الشباب اللي قاعدين يتباهو برواتبهم . . الراتب يا جماعة موضة قديمة . . الشطارة هلا مش بالراتب الشطارة قديش يكون دخلك قل لي كم دخلك . . أقول لك من أنت !!!	30-07-2017 12:24 AM سلفادور . . . التبليغ عن إساءة
13 -	انا بكيف لما كل بنت تعنس بسبب نظرتها المادية و بكيف أكثر لما بسمع بنت انها تطلقت و رجعت عاهلها وولادها معها كمان .. لانكم بتختارو الشباب على أسس غلط . راتبو الي بدو يعيشك حياه كريمة و يحافظ عليكي و لا عقلو و شخصيتو و مخافة الله فيكي !!! بعدين الرزق على العبد و لا على ربنا !!! انا مقتدر الحمدلله بس اقسم بالله شايف عرايس لما موقف شعر راسي و حاليا بطلت من ورا قرفكو و المشكلة انها بتكون مش شبعانة الاكل ببيت اهلها و بتصير بنت العز و الي بابا ما برفضلها طلب لما ييجيها الشب .. شوفي ياا مهندسة الطيور على اشكالها تقع و على قد نيتك الله بعطيكي يا برضيكي يا بسخطك و اناشءالله بتنسخطي على هيك استفسار	30-07-2017 09:46 AM قرقان الجيزة التبليغ عن إساءة
14 -	السلام عليكم ،،،،،،،،،،،،، بالفعل الصبر مفتاح الفرج ...... واللي بصبر بنول . والله إنك لفششت غلي يا أخ { فرقان الجيزة } ، حتى الإسم .... اسم على مسمى ، نعم إن هذا لهو الواقع المرير ..... للحديث بقية . لك مني تحية . سلام .	30-07-2017 01:31 PM محمدكو التبليغ عن إساءة
15 -	ههههههههههههههههه اكيد في امور اكبر من هالراتب	31-07-2017 11:03 AM الى منى محمد غصاب النمر التبليغ عن إساءة
16 -	ما شاء الله عليك امثال درر جواهر كلامك، يعني انت تركت الموضوع و دقيت بالي مش مصدقين كلامها و كلامو؟ الكلام عن الرواتب للتوضيح لصاحبة القصة مش اكثر انو بكذب عليها و هيه سدقت لهيك وجب التوضيح، يلا غادرنا ابو السلفادور بريحة طيبة و بلا فلسفة	31-07-2017 05:45 PM الى السلفادور التبليغ عن إساءة
17 -	من كلامك وسوالك عن الراتب مبين انك ماديه ونظرتك للفلوس اكثر من الشب يعني لو اجاكي واحد هلا وضع ممتاز لو بتعرفيش عنو شي وانو بس وضعو منيح دغري بتوافقي وهل الايام الناس ضارت يهمها المضاهر ولو انك فعلا بدك الشب ومقتنعه فيه يا مهندسه ع قولتك هو بشتغل وانتي بتشتغلي وبتعيشو	08-08-2017 02:27 PM الى الراتب التبليغ عن إساءة