سرايا -  سرايا -  انا صبية عندي صديقه عزيزه بتفكر تتطلق من زوجها صرلها عنده سنين وعندها ولدين صف اول وثاني .. زوجها مدمن نظافه هي نظيفه وهو موسوس شو ماتنظف مابيعجبه شغلها الا هو الي يشرف علنظافه او ينظف بايده ومجننها هي والاولاد بهسولافه .. وبضل بحكيلها ناقصني تخبيص .. وشدي ايدك .. ومش بس هيك .. بيشتري مواد تنظيف اكثر من الاكل والشرب وبحاسبهم عللقمه .. وبظل يشتري اغراص ويخبيهم بيتهم ملان اغراض مش مستخدمينها من اول ماتزوجوا لهسه بظل يحكيلها بنحتاجهم بعدين .. وبجيب اكل قليل وبظل خايف هلاكل يخلص وزي ماحكيت بحاسبهم عللقمه .. وكثير اكل بجيبه وباكله لحاله وبخبي عنهم .. كثير بينتقد مش عاجبه اشي مع العلم انه الكل بشهد انها مرته نظيفه وفهمانه وبنت عالم وناس وهو الي اختارها وتزوجها ماحد جبره .. ومصاري زي الناس مابيطلع منه الا بعد هوشه ومشكله .. مع العلم وضعه المادي ممتاز مش فقير يعني .. وهي بتحبه بس من كثر معاملته المش كويسه بلشت تكره وبتفكر تتطلق منه " بتنصحوها ولا تنسى موضوع الطلاق .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا