ساعدوني هل ازوجه اختي؟

09-09-2015 04:06 PM

تعديل حجم الخط:

سرايا - السلام عليكم .. انا شب عمري ٢٩ سنة اكبر واحد بالعيلة وابوي متوفي رحمة الله عليه من زمان وانا شايل العيلة من وراه عندي ثلاث اخوان شباب واخت وحدة ما في غيرها ... تقدملها واحد عمره ٣٩ سنة وبشتغل شغل حر وعنده شقة ملك ... انا لما شفته استغربت انه لسا ما اتزوج لحد الان ... اجيت سالته ليش لسا ما اتزوجت فحكالي انه مادياته ما كانت مساعديته ... انا بصراحة بيني وبين حالي ما صدقت بقول يعني الواحد لو بدبر حاله وبجوز بالدين ما بتاخر هالقد ... يعني ماشي يصل للثلاثينات بس مش على الاربعين ... خصوصا انه عنده شقه عند اهله ساكن فيها لحاله وكل اللي اكبر منه واصغر منه من اخوانه متزوجين ... ولما رحت سالت عنه كلهم حكوا عنهم انهم جماعة بحالهم ومحترمين وما اقدرت اخذ اكثر من هيك لانهم ساكنين بنص المدينة وما حدا بعرفهم كثير ... انا قعدت معه وحكيت معه باين عليه محترم بس بصراحة مش مقتنع انه مش متزوج عشان المادة ... مع العلم انه اختي على مشارف ٢٧ من عمرها وبدي استر عليها واطمن عليها لاني دائما بحسها خي بالذات امانه برقبتي خصوصا انها مرت بتجربة خطوبة صعبة ومرة ما بدي ياها تتكرر لا سمح الله ... ودائما بحمل حالي المسؤلية .... وخايف عليها كثير ... ساعدوني لو انكوا مكاني شو بتعملوا ... انا مش مقتنع لانه احنا الشباب الجيزة عندنا مهمة لو بندين مشان نتجوز ما بنستنى وهاي فطرة الله حطها فينا ما حدا بقدر يتجاهلها وانتو اكيد فاهمين علي ...يعني اسبابه مقنعة ولا لا ؟ وشكرا الكوا مسبقا ..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 87418


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	09-09-2015 04:06 PM سرايا
2 -	توكل على الله وجوزها واسال عنو كمااان حتى تتاكد مكان شغلو والله يبعت الخير	09-09-2015 04:46 PM حسان النجار التبليغ عن إساءة
3 -	يا اخي العزيز ... شو يعني اعمال حره ؟؟؟؟ ما هي طبيعة العمل لان طبيعة العمل هي من تكشف السوك والطبع .... يجب عليك التحرى و السؤال عن طبيعة العمل ويجب ان يوضح هو ذلك والا فانا بوجهة نظري الموضوع ليس جدي ولا تتسرع بشيء ..	09-09-2015 05:09 PM ابو محمد النابلسي التبليغ عن إساءة
4 -	زوجو بناتكم لمن ترضون خلقه ودينه أسأل بالأول عن اخلاقه ودينه وسيبك اذا كان متزوج ولا لأ بعدين بتقدر تسأل بالاحوال المدنيه بعدين اذا فعلا ثبتلك انو مو متزوج قبل هيك هل هاد معناتو انو راح يكون كفؤ للزواج من اختك والعكس صحيح يا اخي اسال عن الاخلاق والدين وسيبك من الباقي والله الموفق	09-09-2015 05:23 PM شاهر التبليغ عن إساءة
5 -	ماشاء الله عليك الله يحرمها من هل الاخ والله يعطيك كل الخير ويرزقك بنت الحلال تسعدك بالنسبة للعريس خلي اخت تقعد معه وتشوف شو احساسها تجاه على انا متزوجه واحد بنفس عمري العريس وانا عمري متل عمر اخت كان جوابها ما بده ياخذ بنت الناس تغلب عشان وضعه مادي كان سيئ	09-09-2015 05:37 PM توبه الى الله التبليغ عن إساءة
6 -	اخي لا تزوج اختك له يعني اختك كتير صغيرة تتجوز واحد رح يدخل 40 نصيحتي ارفضوا لانه اختك رح تتعذب بكفي انو عمرها 27 يعني لساتها صبية بدك ترميها لا خليها عندك عبين لييجي ابن الحلال يسترها و يسر خاطرها مش تتجوز واحد ختيار بينها و بينه 20 سنة وحد الله اختك بدها و احد ماكسيمم يكون عمره 35 سنة اكبر من هيك لا تقبل اختك لساتها بعز شبابها ما رح يصيرلها اشي بس ممكن تقلي عنوان بيتكم لانو عمبندور لشب عايش بعمان عمره 31 سنة عم بفكر يتجوز لهلا ما لاقى بنت الحلال بس ممكن تقلي اختك محجبة ولا لا لانو هاد الشب بدور على بنت مفرعة مع انو مش حلو تكون مفرعة بس قلي لانو هاد الشب منيح مأ بقول هيك لانو خالي بس هو كتير منيح و بحب الطلعات و النزلات و السفرات عشان الانبساط يعني باختصار شديد شب امور المادية عنده 100 بالمئة و هو كتير حلو بس قلي اختك محجبة ولا لا و ادا ما صار نصيب الله يبعت لاختك ابن الحلال	09-09-2015 06:54 PM بسونة التبليغ عن إساءة
7 -	اخي خلي اختك تصلي استخاره وان شاء الله ربنا يختارلها الافضل وبعدين عند كتاب الكتاب اذا صار نصيب ببين اذا كان متزوج ولا لأ .والله الموفق	09-09-2015 07:31 PM امونه التبليغ عن إساءة
8 -	يالله ما أحسنك والله الاخوة الي عمرهم 60 و 50 سنه ما بسألو عن خواتهم وبناتهم .. بالفعل نيالها ع هيك أخ وأنا بنظري أهم شي الاستخارة ويا رب اذا في خير الها يسرة واذا مافي يصرفه بعد المشرق عن المغرب	09-09-2015 07:58 PM omari التبليغ عن إساءة
9 -	ما شاء الله عليك بارك الله فيك من أخ والله بجسد اختك عليك قد ما انت خايف عليها الله يبعث لك عروس اللي تحبك وتقدر أخي العزيز انت بشك في العريس وانا ما بخبي عليك وانا أيضا أشك فيه خاصه بعمل شغل حر وحتى تتأكد يجب عليك يا أخي بسؤال عنه مره ثانيه وثلاث وعاشره حتى يطمن قلبك أولا أخي الكريم عليك أن تسأل في شغله لأن شغله ما بكتذبوا بحكوا الصح 2 عليك أن تعرف أصدقاءه وتسأل 3 ارجع الى محل ما هو ساكن وارجع أسأل ربما تعرف شي جديد وخلي اختك تصلي استخارة لعلها تجد الجواب الله يوفقك ويفتحها بوجهك على قد ما انت خايف على اختك وتحية لك	09-09-2015 09:34 PM مها احمد التبليغ عن إساءة
10 -	جزاك الله كل خير اولاً يا أخي كل شئ قسمه ونصيب اذا صابت او خابت هاد مو ذنبك خصوصي اذا كنت مستخير وآخذ بالاسباب تمهل شوي واسأل اكتر عن الشب بشغله بالحي بأي مكان يخطر في بالك بعدين يكون احتمال انو شب منيح بس عنده مسكله شخصيه مع الزواج او البنات هاد ممكن اختك تقدر ترفه ومبدئياً خلوها خطبه من غير كتب كتاب تحجج بأي شي حتى توصل لقرار	09-09-2015 09:37 PM ام فارس التبليغ عن إساءة
11 -	روح اسال عنه في اقرب مسجد لمنزلهم اذا كان بيصلي الاما يكون في اسخاص بيعرفو اذا بيصلي اكيد عند ه دين وما عنده لف ودوران واذا ما بيصلي انس موضوعه تماما	09-09-2015 09:54 PM التبليغ عن إساءة
12 -	صلي استخارة سبع مرات والله لحاله بدبرها	09-09-2015 10:52 PM وحده التبليغ عن إساءة
13 -	صلي استخارة سبع مرات والله لحاله بدبرها	09-09-2015 10:52 PM وحده التبليغ عن إساءة
14 -	تعليق الاخت بسونه طول مابتفكروا راح تضلوا تعنسوا الله يصلحكم عموما السوريات معبيات البلد خليكم بتفكروا بنفس الطريقه	09-09-2015 11:15 PM على حسين علي التبليغ عن إساءة
15 -	انا نفس عمر اختك وقت اتجوزت كان عمري ٢٨ وجوزي كان عمره ٣٨ الله يحميلي اياه وكان عنده بيت وما كان ناقصه شي بس ما كان يفكر في الجيزه عشان هيك اتاخر لتجوز وهاد من حسن حظي الله يخليلي اياه يارب ويعطيه لحتى يرضي بالعكس بكون فاهم الدنيا بهاد العمر ازا منيح وافق بلاش تكبر اكتر من هيك اختك وتندم	09-09-2015 11:28 PM نفس التجربه التبليغ عن إساءة
16 -	مين حكالك انو اخته لساتها صبيه وصغيره.. ليش بتضحكي عالزلمه.. اخته عمرها 27 يعني بدون زعل فاتها قطار الزواج؟ البنت الصبيه هي لغاية عمر 23 وبعد هيك انس وبعدين الشب مش كبير عليها. ليش بتسكروها بوجه العالم. انا عمري 45 ومرتي عمرها 25 وعايشين احلى عيشه والحمدلله . اذا عندك كلمة خير احكيها واذا ما عندك لا تحكي شي الله يسعدك وان شالله جوزك بتجوز عليكي	09-09-2015 11:38 PM الى رقم 6 التبليغ عن إساءة
17 -	انته بتقصد تعليق بسونه رقم5 أنا ما حكيت شي الله يحفظلك زوجتك يا رب	09-09-2015 11:57 PM امونه لتعليق 15 التبليغ عن إساءة
18 -	اشكرك على زوقك ويحفظلك اهلك ان شالله	10-09-2015 12:02 AM الى تعليق 17 من صاحب رقم 16 التبليغ عن إساءة
19 -	أخي العزيز اذا كنت شاك بشي معين بتقدر تعرفه من خلال أصحابه وجيرانه وحسابه عالفيس كل شي ببين مافي شي بتخبى ولا تضيع عأختك الفرصة لمجرد شكوك	10-09-2015 12:57 AM ناصح التبليغ عن إساءة
20 -	هﻷ انا مع مها أحمد بكل كامة	10-09-2015 02:00 AM رويدا التبليغ عن إساءة
21 -	هﻷ غنى عن هيك العمر مش مقياس بالعكس بيكون فاهم الحياة صح بالبداية بدك تتأكد من اﻷحوال المدنية اذا متجوز ولا ﻷ حتى تترتاح وثانيآ واهم شي تتأكد من طبيعة شغلو اكيد مو صعبة يعني مثﻵ اعمال حرة بتجار بسيارات بتسأل عنو هناك ﻷنو هناك بخبرو عن اصغر شي او اين كان مكان شغلو ثالثآ واﻷهم بيكون متدين وعندو الصفات حميدة يعني بيصلي وهيك صفات مش أزعر ورابعآ اكيد انت عندك معارف بالاجهزة اﻷمنية بالمخابرات مثﻵ بياخذو اسمو بيعطوك كل تفاصيل صارت سهلة والموديل الي صار عدم محكومية من المحكمة هاي لسا بسبطة ومن حقك تعرف كل شي بعدين انت طالبو فيها وخامسآ صلاة اﻷستخارة واللهي واللهي مهمة جدآ بكل اﻷمور وبتنصفك بكل شي يكفي انو ربنا بيدلك ع صواب مو نحنا وبهاد زمن الطلاق موديل بس الي مستغربتو بهاد زمن في اشخاص متلك الله يوفقك ويحرسك ويهنيك ويخليك اياها	10-09-2015 02:15 AM رويدا التبليغ عن إساءة
22 -	الرجل قصده انو يمكن مابينفع للنسوان	10-09-2015 04:43 AM الله يوفقها التبليغ عن إساءة
23 -	ممكن كان بلعب بذيله وبقضي حاجته مع احداهن والان ما عادت موجوده فقرر الزواج لان العمر يمضي ...انصحك حاول تسال اكثر عنه ولا تتعجل الزواج حتى تتعرف عليه جيدا	10-09-2015 06:52 AM ابو طارق التبليغ عن إساءة
24 -	اخي الكريم .. عمر الشاب مو كبير كتير بظروفنا الموجودة .. ومو ضروري الواحد يتدين عشان يتزوج .. وممكن الشاب ما بدو سحط على حالو ديون او يروح البنك وياكل حرام .. والامور مو غريبة نهائيا .. وحتى لو كلهم متزوجين من اخوانو .. شوف وضعو وظروفو قبل ما تحكم عليه ..	10-09-2015 08:43 AM عاشق التبليغ عن إساءة
25 -	والله يا اخي انا انسان كنت عايش نفس ظروفك وهلا الحمدلله عمري 42 سنه وبدي احكيلك شي ,اذا انت سالت عنه وحاسس انك مرتاحله داخليا والبنت موافقه ووالدتك كمان موافقه توكل على الله لانه شو ما بدك تسال او تستفسر الزواج ما بينحزر عليه ,	10-09-2015 09:12 AM ابن الاردن11 التبليغ عن إساءة
26 -	اسأل عنه منيح أقاربه و جيرانه و أصدقائه و لا تنسى تستخير ربنا و الله يوفقك و يستر على محارمك	10-09-2015 10:00 AM معاذ الطيراوي التبليغ عن إساءة
27 -	بصراحة يا اخوي افضل حل هو الاستخارة استخير انت واختك واذا كان الشب كويس ربنا راح يقدموا واذا كان مش كويس ربنا راح يبعدوا والله يجيب الي فيه الخير	10-09-2015 10:04 AM دلع التبليغ عن إساءة
28 -	والله يا اخي انتا شكلك دلوع........شو يعني 39 ....وبعدين بالنسبة لاختك 27 مناسب .....كمان لازم تسأل عنو كويس ..وتعرف عنو اكتر . وتوخد وقتك ...بس بالنسبة لموضوع العمر ..الايام هاي كتير من الشباب بتأخرو ...احنا بس شاطرين نزعل من العنوسة	10-09-2015 10:09 AM مرام .. التبليغ عن إساءة
29 -	والله انا رأيي ان اختك مش صغيره وهو مش كبير...يعني مناسبين لبعض من جهة العمر...انت بس اسأل عن دينه واخلاقه واذا كانوا تمام توكل على الله وزوجهم...والله ييسر الامور	10-09-2015 10:26 AM فاعل خير التبليغ عن إساءة
30 -	والله انا رأيي ان اختك مش صغيره وهو مش كبير...يعني مناسبين لبعض من جهة العمر...انت بس اسأل عن دينه واخلاقه واذا كانوا تمام توكل على الله وزوجهم...والله ييسر الامور	10-09-2015 10:27 AM فاعل خير التبليغ عن إساءة
31 -	زوجها اللستر مطلوب - وليس لك علاقة بة لماذا تأخر لذلك الوقت اقطععععععععععععععععععععععع اقطع	10-09-2015 10:28 AM مهند الصمادي التبليغ عن إساءة
32 -	يا اخي العزيز؛ يعني انت شغّال محقق على الزلمه،، هادا نصيب وما فيها كثير شطارة،، الزلمة بدو يعقل وانت دورك محدود، و ربنا ادرى.	10-09-2015 11:25 AM سمير التبليغ عن إساءة
33 -	اخي الفاضل .... عن الرسول صلى الله عليه وسلم ( اذا اتاكم من ترضون دينه وخلقه فزوجوه) .... ما تقلق اسأل اقرب مسجد لبيته كمان هل هو ممن يصلون المسجد على الاقل ولو بشكل منتظم يوحي بالالتزام ؟؟ ثم ان عامل العمر لا يعني شيئ صدقني اذا كان محترم .... اعقل وتوكل , ياما ناس اعمارهم متقاربه وتطلقو باول شهر , اضف لذلك ان هذا عمر الحكمه ورجاحة العقل اهم شيء ما يطلع تبع نوادي وهماله ومخدرات ومن هالقصص .... والله يوفقك	10-09-2015 12:21 PM خالد الزواهره التبليغ عن إساءة
34 -	برأي اسال عنو حد بالامن العام وشوف اذا كان تبع مشاكل او متجوز من قبل بكون احسن وصلي استخارة .... يمكن عندو مشاكل بالانجاب لانو هاد الي حصل مع صاحبتي	10-09-2015 12:31 PM مناااار التبليغ عن إساءة
35 -	الاستخارة أهم شي والتوكل على الله وأسأل عنه أكثر ودقق اسمه عند الشرطة احتمال يكون مشكلجي	10-09-2015 01:12 PM فاعل خير التبليغ عن إساءة
36 -	إسأل عن الرجل كمان مرة ولاتنسى رأي أختك هو الأهم من رأيك انت إذا الشب صاحب أخلاق ودين طبعا بعد السؤال عن وبالنسبة لعمر السب وليش بعده ما تزوج في مثله كثير انا بعرفهم ولسى ما تزوجوا الحياة صعبة والشغل مش سهل ، فرق العمر بيناتهم مناسب واله يوفق الجميع ان شاء الله	10-09-2015 01:18 PM فادي التبليغ عن إساءة
37 -	اذا كان عاجب اختك وافق ولا تطول فترة الخطبة 3 اشهر والله الموفق وهلا الاغلبية بتاخروا بس يتجوزوا والحمد لله انو منيح وعندو دين ... صلي استخارة وتوكل	10-09-2015 01:39 PM ميرا مار التبليغ عن إساءة
38 -	اهم شي الاخلاق والدين. ..أسأل عنو امنيح وخلي اختك اتصلي استخاره. ..	10-09-2015 01:42 PM اميره احمد التبليغ عن إساءة
39 -	انت معقده	10-09-2015 01:47 PM الى بسونه التبليغ عن إساءة
40 -	احنا بدنا نعرف اكتر منك اذا انت قاعد معه وسائل عنه ومش عارف شو تساوي . المهم اذا انت مش عارف تاخذ قرارك من راسك ليش لكان شايل هم العيله ... انت ادرى منا بالموضوع	10-09-2015 02:46 PM حسين التبليغ عن إساءة
41 -	تسلم يا رب وربنا يديم المحبه والالفه بينك وبين زوجتك على طول العمر .آمين يا رب العالمين	10-09-2015 03:19 PM امونه الى تعليق 17 التبليغ عن إساءة
42 -	يا أخي الكريم ماذا تنتظر ؟ ربما تنتظر أحداُ لايأتي وقد يأتي أحد لم تنتظره . وعسى أن تكرهوا شيئاً وهو خيرٌ لكم ، من المنطق أن تسأل عنه وعن سلوكه ، ودع عنك السن وألأعمار ثم شقيقتك أمانه في عنقك ضمن الحدود أي أنها تتمتع بحريّة ألرأي وألأختيار وحياتها الشخصيّه وهنا تمتع بضبط النفس وعدم التدخل ، صحيح أننا كلنا نريد السعادة لأخواتنا وبناتنا الخ ، ولكن من يدري حتى لو تزوجت شاباً كعمرها ، فتوكل على الله ولا ترعب أختك بالقلق لأنها ستلاحظ تعابير وجهك وحركاتك وقد تعزف عن الزواج ، طمأنها أولًا وبنفس الوقت إسئل عن هذا الشاب وفي النهايه قسمه ونصيب فاقبل بقسمة الله ... ومبروك	10-09-2015 03:53 PM FADEL - MADRID التبليغ عن إساءة
43 -	إلى ألأخت بسونه نمبر ٦، كل هالمزايا اللي عند خالك ومش ملاقيين بنات وعم بدوروله على بنت حلال ، ومش ملاقيين ليش مايدوِّر هو ؟ أمور وحليوه والحاله الماديّه الحمدلله ممتازه عدا الطلعات والنزلات ، بعدين المحجبه أعطيتوها شهادة حسن سلوك بالشرف والغير محجبه غير شريفه ؟	10-09-2015 04:16 PM FADEL - MADRID التبليغ عن إساءة
44 -	تعليق 15 ادا مرتك عاهة اتجوزتك و انتى عمرك 45 مو كل النسوان عاهات بعدين انا عمري عشرة و لما اكبر ادا تقدملي واحد زيك بنتحر بعدين 27 صبية و بعدين جبت لاخته عريس بجنن و احسن من يلي تقدملها يعني بالبنط العريض ما تتدخلش عشان اختصر مبادرات و مشاكل	10-09-2015 04:36 PM بسونة التبليغ عن إساءة
45 -	برأيي ان اختك الي لازم تقرر اذا مواصفاته منيحه خليها تقعد معو مره وتنين وتلات وتحكم.. موضوع انه ما تزوج لهلا صعب كتير نحكم فيه واذا ارتاح لأختك ممكن يصارحها اذا في سبب فعلا مخفى.	10-09-2015 05:07 PM مواطنه التبليغ عن إساءة
46 -	والله يا أخي انا بعرف بنت بنفس الظروف وأخوانها بجننو العريس ليوافق عليه وبالاخر بهرب العريس لأنه البنات كتار ...المهم اختك اذا موافقه مش الموضوع	10-09-2015 07:59 PM اسما التبليغ عن إساءة
47 -	في ناس بتكون كويسة قبل الزواج يعني ما بكونو همل وبعد ما يتجوزو بسيرو همل يعني مش شرط . توكل على الله ، بس لازم تشوف وتسأل عن اخلاق الرجل وكيف كرمه وصلاة الاستخارة وتوكل على الله . وبالعكس العمر كثير كويس وبكون فاهم الحياة اكثر ، وإنشاء الله يتمم على خير	10-09-2015 10:55 PM برآء التبليغ عن إساءة
48 -	يعني تعليق رقم 15 يعني ادا مرتك هبلة تجوزتك و انتى بهالعمر شو دخل الناس بعدين انا قدمت عريس بكامل الصفات مش لانو خالي بس أي بنت بتتمنى واحد متله بعدين انا عمري 10 صرت مزوجني يعني احترم نفسك و بعدين ما بدها ذكاء بنت خالها عمره31 سنة بتطلع متجوزة	10-09-2015 10:56 PM بسونة التبليغ عن إساءة
49 -	تضرب حياتي انا نفسي اموت عشان اريح الناس مني	10-09-2015 11:24 PM امونه التبليغ عن إساءة
50 -	كلامك صحيح من وجهة نظرك ووجهة نظر ناس اخرين اخي الكريم لكن في شباب برفضوا الزواج بالدين الا لما تكون ظروفهم الماديه مساعده والعفو منك انت بتحكي اختك شارفت ع 27 يعني العمر بمر ومثل ما بيحكو الحظ بدق الباب مره وحده واذا انت سألت عن الشب وما في ناس ذمه صلي صلاة الاستخارة واذا ارتحت بعد صلاة الاستخاره اتكل ع الله ولا تقطع نصيب اختك اسأل الله العلي القدير اذا في نصيب بينهم وخير يعجل في امرهم	10-09-2015 11:41 PM بيان التبليغ عن إساءة
51 -	الله ينور بصيرتك ويفرج همك ويسترك على اختك	11-09-2015 01:17 AM التبليغ عن إساءة
52 -	الله ينور بصيرتك ويفرج همك ويسترك على اختك	11-09-2015 01:20 AM التبليغ عن إساءة
53 -	و الله صراحة انا برأي تسأل عنو كتير منيح و تحاول كمان تعرف شو طبيعة عملو بالزبط و تسأل عنو فيو و تعقد معه اكتر من مرة و تخلي كريمتك تقعد معو اكتر منمرة قبل ما يصير اي شي بعدين الاستخارة و استشارة الاصدقاء و الاقارب ممكن تفيدك و ان شا الله خير	11-09-2015 02:14 AM لولو التبليغ عن إساءة
54 -	اذا كان سبب خوفك الوحيد انه الشب تأخر بالزواج فأنا بحكيلك انه فيه شباب ما بحبو يكون عليهم قرش دين حتى لو كان على حساب سعادته وبعيشو ع مبدأ اذا ما معك ما بينفعك.. اسأل عنه اكثر واذا حكولك منيح توكل ع الله وجوزه اختك	11-09-2015 07:24 AM زهره لا تذبل التبليغ عن إساءة
55 -	اسال عنه اكثر ولو طريت تراقبه من بعيد	11-09-2015 08:35 AM yazeed التبليغ عن إساءة
56 -	علي حسين يعني انتى ليه بتتدخل بعدين احنأ بدناش سورية بدناش نفتح جامعة الدول العربية عنا احنا بدنا فلسطينية ما بدنا سورية مصربة مغربية هدول روح اتجوزهم انتى و افتح لامك بالدار جامعة الدول العربية يعني بما انك استغزيتني تستاهل بهدلة بعدين انا مش رح اعنس لسا الزمن طويل قدامي عمري 10	11-09-2015 12:05 PM بسونة التبليغ عن إساءة
57 -	38 شو مالك شو في مالك اشي لانو في كتير مي باردة اجيبلك قنينة بلكي بردت عحالك شوي خليك اطفي النار ماشي سد بوزك احسن بكون اه بس قلي اسمك	11-09-2015 12:53 PM بسونة التبليغ عن إساءة
58 -	عفوا بس خالي هيك طلبه شو دخلني فيه بعدين يعني ما بلاقي بنت حلوة ما شاء الله لانو البلد صار فش فيها ناس حلوين لا ذكور و لا اناث بعدين هو بدو وحدة طويلة نحيفة مفرعة بنت عالم و ناس متعلمة شو يعني اروح ازوجه وحدة منظرها بخلي الكلاب تشمئز و هو بجنن احكيلك هو نحيف و طويل بدو وحدة زيو بعدين انتى شو دخلك انتى روح دور ععروس الك ما دخلك بولاد العالم اه صاحب المشكلة ما رديتلي خبر بتمنى انك تردلي بالقريب العاجل	11-09-2015 01:01 PM بسونة الى تعليق 42 التبليغ عن إساءة
59 -	انا زعلانه على بسونه ما بحكي معها لانها ما يتر د على ماما مها إلى امونه لا داعي تسبي على حالك لأنك صغيره والعمر أمامك وادعي الله سبحانه وتعالى الفرج من عنده وقراءة القرآن وتسبيح الله سبحانه وتعالى وشو في الله أن شاء الله رايح يفرجها عليكي وان شاء الله يفرجها عليكي ويفتحها بوجهك إلى رويدا ليش انتي مش معي في رائي اعطيني ورأيك ياحلوه بنتاقش	11-09-2015 02:43 PM مها احمد التبليغ عن إساءة
60 -	امونة زعلت منك ليه قاعدة بتحكي عن حالك هيك ما بصير ادعي شي منيح عن حالك	11-09-2015 03:20 PM بسونة التبليغ عن إساءة
61 -	انك ان تتبعت عورات الناس افسدتهم او كدت تفسدهم توكل الله	12-09-2015 05:46 PM يحيا المبيضين التبليغ عن إساءة
62 -	الى التي إسمها بسونه ٥٨، أنا لم أتدخل ، وهل إبداء الرأي تدخل ؟ ليش ما يكتب إعلان لطلبه ؟ أتدرين لماذا ؟؟؟؟ طيب بالنسبه إلي لما بدي عروس أنا اللي بدوِّر لأنه أنا المعني بألأمر وليس غيري ، ويبدو أنك بسون مش بسونه	12-09-2015 09:37 PM FADEL - MADRID التبليغ عن إساءة
63 -	سيبك من الناس اللي بتقول انو فيه فرق بالعمر كبير وانو الزلمه ختيار...بالعكس مناسيبن لبعض...المهم الاخلاق اسأل عن اخلاق الزلمه وفكك من بعض النفسيات المعقدة اللي عندها وسواس قهري اتجاه الزواج...المهم الاخلاق ووين ما بتلاقي الاخلاق بتلاقي الدين.	12-09-2015 11:52 PM مرجان... التبليغ عن إساءة
64 -	تعليق 61 عمو انا ما قلت ابداء رائي غلط بس قلت انو هو حر حياته خاصة بعدين مين انا ادخل بخالي بعدين بكزبش عليك مخليني انا بس ادورلوا عروس و مو حابة اقول الو لا لاني بحب اساعد بعدين كيف هو يدور لحاله يعني يروح لحالوا عبيوت الناس بدون أم و اخت و يقول انا بدي شوف بنتكم هاد غلط بعدين خالي ما اجي و قال انا بدي البنت الفلانية روحوأ اخطبوها لا حكى دورولي لانو مو تاع بنات و خجول لما يكون عنا بنات غرب بالبيت بغطي راسه و بطلع بس هو حاليا بعمان بس ادا انا غلطت أو وجهت غلط بتمنى تسامحني	13-09-2015 12:23 AM بسونة التبليغ عن إساءة
65 -	صلي استخارة اكثر من مرة وهي تصلي استخارة اكثر من مرة كمان ..... والله رح ييسر الها الخير ان شاء الله	13-09-2015 10:54 PM ..... التبليغ عن إساءة
66 -	يا رجل عادي الحياه صعبه كثير بحب اخبرك ازا الشب اتاخر بعد 33 سنه لتقل الدافعيه من جوا الشخص بصير ياحل الزواج ما غي مسكله ابدا خليها تتزوج وتستخير	14-09-2015 08:33 AM Basem التبليغ عن إساءة
67 -	يا رجل عادي الحياه صعبه كثير بحب اخبرك ازا الشب اتاخر بعد 33 سنه لتقل الدافعيه من جوا الشخص بصير ياحل الزواج ما غي مسكله ابدا خليها تتزوج وتستخير	14-09-2015 08:33 AM Basem التبليغ عن إساءة
68 -	إنت اللي بهمك الشب إنسى العمر اخلاقه ودينه إسأل عنهم بدل العشرة إسأل 100 ﻹنه اللي بخاف الله بخاف من الأمانه وبدير باله عليها	14-09-2015 09:28 AM 3amer التبليغ عن إساءة
69 -	إنت اللي بهمك الشب إنسى العمر اخلاقه ودينه إسأل عنهم بدل العشرة إسأل 100 ﻹنه اللي بخاف الله بخاف من الأمانه وبدير باله عليها وأختك رح تكون أمانة عنده	14-09-2015 09:28 AM 3amer التبليغ عن إساءة
70 -	اخي العريز بداية االله ييسر امروها ويختار الها الافضل انا برايي هالايام الشباب بيتاخروا بسبب الغلاء والظروف لا توقف نصيب اختك اذا حاسه محترم خليه يزويكم اكتر من مرة وطول فترة الخطبة بدون كتب كتاب لتتعرف عليه اكثر ولازم تعرف شعور اختك اتجاهه وبعدها اذا حسيت بستاهلها زوجهاا واذا لا سمح الله حسيته غير هيك لا تزوجها وكل شي قسمة ونصيب وخلي اختك تستخير ثالث ايام متتاليه والله يختار الها الافضل.. وتوكل ع الله وادعيلها	14-09-2015 10:10 AM نانسي التبليغ عن إساءة
71 -	بستغرب من هدول الناس الي ما بسالو عن العريس منشان هيك في بلاوي وعلاقات كتير الله يهديكم هاد اشي اساسييييييييييي والله مشان ماتعنس البنت لا تسالو عنه ارموها للي مابسوا احسن هاي طريقة تفكير تافه وسطحيه	15-09-2015 01:42 AM ام البنين التبليغ عن إساءة
72 -	والله يا صديقي ما ألك غير انك تستعين بالله ، روح صلي استخارة انت وأختك واخلص الدعاء لله ، وخلي كل يقينك بالله	15-09-2015 02:26 PM كوكو التبليغ عن إساءة
73 -	عمي روح استخير. والاخيره فيما اختاره. الله هو أعلم خليها تسخير	15-09-2015 08:26 PM نصيحه التبليغ عن إساءة
74 -	توكل على الله وزوج اختك وخليها تقعد معه وشوفه وهيه يلي بتحكم	15-09-2015 08:55 PM لولو التبليغ عن إساءة
75 -	اخي انا مع تعليق 27و28 بخصوص العمر مناسب جدا وبالنسبه لتأخره في الزواج لكل انسان ضروفه وانا اعرف الكثير من الشباب لم يتزوجو وهم في مثل عمره واكبر ولكل واحد اسبابه بس اسأل كمان اكثر عن اخلاقه والله الموفق	19-09-2015 02:34 AM ابو صياح التبليغ عن إساءة